Shacab Caraysan oo Degmada Xagar ka Saaray Shabaabkii ku Sugnaa

3490

7 qofood ayaa ku dhaawacantay Rasaas ay maleeshiyaadka Al shabaab ku fureen Shacab Caraysan oo ku Xoomay Saldhigyo ay maleeshiyaadku ku lahaayeen Degmada Xagar oo ka mid ah Degmooyinka gobolka Jubbada hoose,

Wararka ayaa sheegaya in dadka Shacabka ah ee Degmadaasi ku nool  ay ka Caroodeen Xarigg Maalin ka hor ay u gaysteen Al shabaab qaar ka mid waxgaraddka Magaaladaasi taas oo keentay in dadku barqanimadii maanta ku Xoomeen Saldhigyada ay degmadaasi ku lahaayeen Maleeshiyaadka Al shabaab, iyagoo ku qaylinayay ereyo ay ku diidan yihiin Al shabaab,

Waxaana Maleeshiyaadku ay dhankooda bilaabeen rasaas ay ku furan shacabkii isu soo baxa Sameeyay si ay u kala eryaan hasa ahaateen, dadkii deegaan oo qaar kood hubaysnaa ayaa dagaal kala hor tagay kuwaas oo ugu dambayna ku guulaystay in ay magaalada dibadda uga saaraan.

Qof goobjooga ah oo ku sugan Degmada Xagar ayaa Radio Muqdisho u sheegay in shabaabku ay hadda Magaalada isaga bexeen islamarkaana la soo daayay Odayaashii maalin ka hor ay Xabbsiga dhigeen Al shabaab.

Maleeshiyaadka Argagixisada ah ee shabaab ayaa hadda lagu soo waramayaa in ay gurmad u raadiyeen deegaanada kale ee ay gobolkaasi kaga sugan yihiin maaddaama Degmadii ay ku sugnaayeen laga soo eryaday.

 

 

Did you like this? Share it:

LEAVE A REPLY

Please enter your comment!
Please enter your name here