Shacabka Gaalkacyo oo Ciidanka Xoogga ku amaanay joojinta colaadi ka taagneeyd muddo dheere

Masuuliyiinta maamulka degmada Galkacyo iyo qeybaha bulshada ayaa hambalyo u diray ciidanka xoogga dalka Soomaaliyeed taas oo ku aadan 60 sano guuradii kasoo wareegtay aas aaskii ciidanka xoogga dalka.

Gudoomiyaha dagmada Galkacyo xirsi  Yuusuf barre ayaa hambalyada ka sokoow sheegay in shacabka Galkacyo ay  xussus Gaara ku leeyihiin Ciidanka  xoogga Dalka maadaama ay kaalin muhiim ah ka qaateen amniga iyo nabad galyada ka jirta Galkacyo tan iyo wixii ka danbeeyay 26/12/2018 xiligiis oo ku beegneyd markii ururka xasilinta Gobalka mudug ee (C.X.D) -ay doorka weyn ka qaateen joojinta colaad  xiligaas ka jiray magaalada Galkacyo .

Sidookale  maamulka iyo bulshada Gobalka Mudug ayaa xusay in ciidanka xoogga dalka ay ahaayeen kuwii ku guuleeystay joojinta dagaal beeleedyo bishii December ee dabayaaqadii sanadkii 2019 ka dhacay deegaanada  Afbarwaaqo.

Ciidanka xoogga dalka ayaa ah udub dhaxaadka amniga iyo nabad galyada ka jirta Gobalka mudug maadaama ay kaalin aan qarsooneeyn ka qaateen arimaha dib u heshiisiinta beelo ay colaadi ka dhaxeeysay sanado fara badan.

LEAVE A REPLY

Please enter your comment!
Please enter your name here