Shaqaalaha Rayidka ee Madaxtooyada Qaranka oo ka qeyb qaatay barnaamijka Isxilqaan “SAWIRRO”

Shaqaalaha rayidka ee Madaxtooyada Qaranka ayaa maanta ka qeyb qaatay wareegga toban iyo sideedaad ee barnaamijka Isxilqaan oo ah barnaamij lagu dhisayo xarumaha danta guud ee dalka.

Olalaha Isxilqaan ayey shaqaalaha rayidka ee Madaxtooyada Qaranka ka fuliyeen guriga Ex-Hooyooyinka ee loogu magacdaray guriga Maama Baxsan iyo xarunta Maktabadda Qaranka  oo ay ka socoto howlo dib u dhis iyo dayac tir ah.

Qaar ka mid ah shaqaalaha rayidka ee Madaxtooyada Qaranka oo ka hadlay muhiimadda barnaamijka Isxilqaan ayaa sheegay in ay aad ugu faraxsanyihiin ka qeyb qaadashada dib u dhiska xarumaha danta guud ee Dalka.

Agaasimaha arrimaha bulshada iyo wacyi gelinta ee Madaxtooyada Qaranka Farxaan Xasan Axmed ayaa xusay in shaqaaluhu ay u soo diyaar garoobeen  sidii ay u dhisan lahaayeen dalkooda Hooyo.

Agaasimaha Adeegga Guud ee Madaxtooyada Qaranka  Eng Mukhtaar Cabdirisaaq Yuusuf ayaa ku booriyay dhallinyarada Soomaaliyeed iyo shaqaalaha rayidka ee dowladda in ay sii laba laabaan howlaha Isxilqaan ee lagu dhisayo dalka.

Barnaamijka Isxilqaan ayaa waxaa horay loogu soo dhisay xarumo muhiim ah sida Tiyaatarka Qaranka Maktabadda Qaranka, Matxafka Qaranka iyo Xarumo kale.

LEAVE A REPLY

Please enter your comment!
Please enter your name here