Shaqaalaha Wasaaradda Beeraha oo ka qeyb qaatay ololaha Isxilqaan ee lagu dhisayo xarumaha danta guud “SAWIRRO”

Waxaa si dardar leh u soconaya barnaamijka isxilqaan oo dib u dhis loogu sameynayo xarumaha  muhiimka ah ee Dowladda, taasi oo ay ka qeyb qaadanayaan shaqaalaha kala duwan ee Wasaaradaha  Dowladda Soomaaliya

Shaqaalaha Wasaaradda Beeraha iyo Waraabka Xukuumadda Federaalka Soomaaliya oo ay hogaaninayaan mas’uuliyiinta Wasaaradda  oo si weyn ugu soo diyaar garoobay ayaa  kaltanka lix iyo tobnaad uga qeyb qaatay dib u datactirka xarunta ex-guriga hooyooyinka oo loo bixiyay Guriga Mama Baxsan, waxaana goob joog ka ahaa madaxda  barnaamijka isxilqaan

Qaar ka mid ah shaqaalaha Wasaaradda Beeraha oo ka hadlay muhiimadda barnaamijka isxilqaan ayaa tilmaamay inay diyaar u yihiin ka qeyb qaadashada doorka uga aadan dib u dhiska xarumaha danta guud.

Agaasimaha Waaxda Waraabka Iyo Saadaasha Hawada ee Wasaaradda Beeraha iyo Waraabka Xukuumadda Soomaliya ayaa  sheegay in Wasaaradu ay qeyb weyn ka qaadaneyso howlaha dib loogu dhisayo xarumaha danta guud.

Agaasimaha Barnaamijka Isxilqan Maryan Aadan Aamiin ayaa  sheegtay in meel wanaagsan ay mareyso xarumaha dib u dhiska lagu sameynayo.

 

LEAVE A REPLY

Please enter your comment!
Please enter your name here