Shaqaalaha Wasaaradda Waxbarahada Oo Ka Qeyb Qaatay Barnaamijka Isxilqaan Oo Lagu Dhisayo Guriga Hooyooyinka “SAWIRRO”

Agaaimaha Tacliinta Sare ee Wasaaradda Waxbarashada Hiddaha iyo Tacliinta Sare Mudane Ismaaciil Yuusuf Cismaan iyo dhammaan shaqaalaha Wasaaradda Waxbarashada ayaa maanta ka qeyb galay barnaamijka Isxilqaan oo ka socday guriga Hooyooyinka Qaranka.

Ololahaan maanta oo ay ka qeyb galeen Shaqaalaha Wasaaradda Waxbarashada ee lagu dhisayay xarumaha danta guud ee dalka gaar ahaan guriga Hooyooyinka ayaa qeyb ka ah dadaalada Dowlada Soomaaliya ay ku dooneyso inay dib ugu soo celiso bilicda dhismayaasha ku burburay dhibaatooyinkii dalka ka dhacay.

Agaasimaha Tacliinta Sare ee Waxbarashada mudane Ismaaciil Yuusuf oo ka qeyb galay barnaamijka isxilqaan ee lagu dhisayay maanta guriga Hooyooyinka Qaranka ayaa sheegay in waqtigaan ay muuqato horumar laga gaaray dib u dhiska dalka.

“Maanta waxaan ka qeyb galnay barnaamijka isxilqaan oo ka socda Guriga Hooyooyinka ee magaalada Muqdisho, ololahaan waxaa igu wehliyay dhamaan Shaqaalaha Wasaaradda Waxbarashada muhiimad gaar ah bey noo leedahay in aan ka qeyb qaato dib u dhiska dalka”.ayuu yiri Agaasime Ismaaciil.

 

LEAVE A REPLY

Please enter your comment!
Please enter your name here