Shaqaale ka tirsan Hay’adaha Maaliyadda dowladda oo tababar loo soo xiray “SAWIRRO”

0
982

Wasaaradda Maaliyadda Xukuumadda Federaalka ah ee Soomaaliya ayaa maanta tababar u soo xirtay qaar ka mid ah shaqaalaha Hay’adaha dowladda, gaar ahaan waaxaha Maaliyadda, kuwaas oo la barayay casharo la xiriira maareynta iyo kobcinta aqoonta shaqaalah ka howlgala, waxana xiritaanka tababarka ka qeyb galay Siihayaha Wasiirka Maaliyadda Soomaaliya Mudane Xuseen Cabdi Xalane iyo Siihayaha Wasiir-u- dowlaha Wasaaradda Maaliyadda mudane Cabdullaahi Maxamed Nuur.

Ugu horeyntii, waxaa mubaasabadda xiritaanka tababarka ka hadlay Mudane Cabdullaahi Maxamed Nuur oo ah siihayaha Wasiiru-dowlaha, waxaana uu tilmaamay in muhiimaddu  ay tahay inaan shaqaalaha  culeys lagu saarin shaqada oo kaliya, balse loo sameeyo kobcin iyo aqoon kororsi joogta ah si ay u gutaan shaqooyinka loo igmaday.

Siihayaha Wasiirka Maaliyadda Soomaaliya Mudane Xuseen Cabdi Xalane ayaa kula dardaarmay shaqaalihii dhamaystay saminaarka in ay duruusta la baray dalka iyo dadka uga faa’iideeyaan, kuna dabaqaan shaqada ay ummada u hayaan, midkastana waxaa la gudoonsiiyey shahaadada ka qayb galka saminaarka.

Mudane Xuseen Cabdi Xalane ayaa sidoo kale tilmaamay in Wasaaradda Maaliyadda ay wado qorshayaal ujeedadiisu tahay in kor loo qaado hufnaanta iyo furfurnaanta hannaanka miisaaniyadda Qaranka, in si wanaagasn looga shaqeeyo isku-dheelli-tirka miisaaniyadda iyo in kor loo qaado miradhalka kharaashaadka dawladda.

20141210_112736 20141210_112748 20141210_113017 20141210_113104 20141210_113309 20141210_113848 20141210_113907 20141210_113937

 

Did you like this? Share it:

LEAVE A REPLY

Please enter your comment!
Please enter your name here