Shaqaale ka tirsan Wasaaradda Maaliyadda ee Maamulka Ximan iyo Xeeb oo tababar loo furay “SAWIRRO”

1510

Madaxwaynaha maamulka Ximan iyo Xeeb C/laahi Cali Maxamed ayaa tababar socon doono muddo shan cisho ah waxa uu maanta u furay ilaa 20-ka mid ah shaqaalaha Wasaaradda Maaliyadda maamulkaasi.

Shaqaalaha ayaa tababarkan ku qaadan doona casharo ku aadan hanaanka canshuuraadka, koboca dhaqaalaha iyo sidii ay qaybohooda kala duwan isula shaqayn lahaayeen.

C/laahi C/raxmaan Tootoole Guddoomiyaha degmada Cadaado oo furitaanka tababarkan ka soo qayb galay ayaa sheegay in ka degmo ahaan uu muhiim u yahay in shaqaalahan la baro habka maareynta canshuuraha.

Waxa sidoo kale halkaas ka hadlay Agaasimaha Wasaaradda Maaliyadda ee maamulka Ximan iyo Xeeb C/laahi Cumar Maxamuud, isaoo sheegay in tababarkan uu shaqaalaha fursad u siin doono inay awood u yeeshaan maareeynta xafiisyadooda iyo qaadista canshuuraha.

Madaxwaynaha Maamulka Ximan iyo Xeeb C/laahi Cali Maxamed ayaa isna hadal dardaaran ah u jeediyay shaqaalaha tababarkan ka faa’iideysanaya, waxaana uu sheegay in tababarkan uu qayb ka yahay dadaal la doonayo in shaqaalaha maamulka lagu dhiso kartidooda, si waxqabadkoodu u noqdo mid waxtar leh.

DSC04728 DSC04729 DSC04730 DSC04734 DSC04735 DSC04737 DSC04739 DSC04740 DSC04741 DSC04742 DSC04744Maxamuud Cabdi Diirshe Cadaado

Did you like this? Share it:

LEAVE A REPLY

Please enter your comment!
Please enter your name here