Shaqo joojin mudo kooban ay sameeyeen shaqaalaha shirkadda Favori oo la xaliyey

0
6661

Taliyaha hogaanka socdaalka iyo jinsiyadaha dowlada Soomaaliya Maxamed Aadan Koofi ayaa Wakaaladda Wararka Qaranka Soomaaliyeed ee SONNA u sheegay in maamulka garoonka uu xaliyey shaqo joojin ay sameeyeen shaqaalaha shirkadda Favori ee ka howlgala garoonka.

Taliyaha ayaa sheegay in shaqaalaha shaqo joojinta sameeyeen ay la fariisteen masuuliyiin uu kamid yahay maareeyaha garoonka Aadan Cade ee magaalada Muqdisho iyo xubno kale, islamarkaana lagu qanciyey in shaqada ay dib u bilaabaan.

Maxamed Aadan Koofi taliyaha hogaanka socdaalka iyo jinsiyadaha Soomaaliya ayaa intaasi raaciyey in sidoo kale shaqaalaha loo balan qaaday in si deg deg ah ay ku heli doonaan xuquuqda kamaqan islamarkaana ay aqbaleen.

Koofi ayaa sheegay in hada shaqadu dib ay u bilaabatay, garoonkana aysan saameyn ku yeelan shaqo joojin saacado kooban dhacday.

Did you like this? Share it:

LEAVE A REPLY

Please enter your comment!
Please enter your name here