Sharciyadii dadka soo galootiga ah ee Dalka Hungary oo isbedel lagu sameynayo

Baarlamaaanka Dalka Hungary ayaa lagu wadaa in uu ka doodoo isbedel cusub oo dhanka sharciga soo galootiga ah,kaasi oo lafilayo in dowladdu ay qorsheynayso in ay horgeysto mudanayaasha Baarlamanaka Dalkaasi.

Warka ayaa wuxuu intaasi ku darayaa in tani ay tahay tallaabadii ugu dambeysay ee uu qaado ra’iisalwasaaraha dalkaasi Viktor Orban oo saddex sano ee la soo dhaafay waday olole ka dhan ah muhaajiriinta sharcidarrada ah oo uu sheegaya in wax laga hortagi karo ayna tahay in laga hor tago,waxaana kamid ah shrcigaasi in la dhimo lacagahja la siiyo dadkaasi.

Sharciyadan cusub ee ka dhanka ah dadka magangelyo doonka ahi ayaa baarlamaanka loo gudbinayaa in kastoo ay jirta xaqiiqada ah in muhaajiriin iyo qaxooti aad u yar ay maalmahan dambe isku dayayeen in ay galayaan dalkaasi Hungary, waxaana yareeyay tirada muhaajiriinta siligga lagu ooday xudduudda koonfureed ee dalkaasi.

Haddii sharciyadaan sidooda lagu ansixiyo, waxa ay sharcidarro iyo dambi ka dhigayaan daabacaadda macluumaadka dadka muhaajiriinta ahi caawin karayo iyo in cunno iyo taageero sharci la siiyo muhaajiriinta.

Dastuurka dalkaasi Hungary ayaa sidoo kale isbadal lagu sameynayaa si looga hortago in muhaajiriinta qoonda ahaanta ugu soo hagaayaya dalkaasi sida uu qabo sharciga qoonda ee qaxootiga magangelyada u soo raadsada dalalka reer.

Mas”uuliyiin ka tirsan xisbi weynaha EPP ee reer Yurub oo u dhashay dalka dalka Jarmalka oo xisbiga Fidesez ee haya talada dalka Hungary uu qeybta ka yahay ayaa dhammaadkii usbuucii hore ku hanjabay in sharcigaasi cusub uu sababai doono in xisbiga Fidesez laga saaro xisbiga EPP ee reer Yurub.

Dalka Hungary ayaa kamid ah wadamada ay maraan dadka magan geliyo doonka ah eek u qulqulaya qaaradda Yurub.

Did you like this? Share it:

LEAVE A REPLY

Please enter your comment!
Please enter your name here