Shariif Xasan oo la kulmay waxgaradka beelo dagaallamay

1113

Madaxweynaha maamulka Koonfur Galbeed ee Somalia, Mudane Shariif Xasan Sheekh Aadan, ayaa maanta kulan magaalada Muqdsho kula qaatay Waxgaradka, siyaasiinta iyo  aqoonyannada ka soo jeeda beelo walaalo ah oo uu dagaal ku dhexmaray deegaanno ka tirsan gobolka Shabeellada Hoose.

Kulankan ayaa gogol xaar u ah wada hadallo la damacsan  yahay in lagu dhex-dhexaadiyo beelo isku deegaan ah oo uu dagaal ku dhexmaray qeybo ka mid ah gobolka Shabeellada Hoose, waxaana kulankan soo qaban qaabiyey madaxweynaha maamul gobolleedka Koonfur Galbeed ee Somalia, Mudane Shariif Xasan Sheekh Aadan, kulanka masuuliyiinta iyo dhammaan Waxgaradkii ka soo qeyb-galay waxa ay Shariif Xasan uga mahadceliyeen sida uu dadaalka ugu jiro in dagaalka uu istaago oo walaalnimo iyo wada  hadal wax walba lagu dhameeyo iyagana ay kaalin mug leh ka qaadan doonnaan.

Mudane C/kariim Xuseen Guuleed oo ka mid ahaa Siyaasiinta kulankaasi ka qeyb-gashay ayaa sheegay in ay diyaar u yihiin sidii ay ugu wada istaagi lahaayeen joojinta colaadda, loona wada qaadan lahaa nabadda iyo midnimada Shacabka si loo badbaadiyo, waxa uuna uga mahadceliyey Shariif Xasan dadaalkiisa arrintaasi ku aaddan.

ugu dambeyntii madaxweynaha maamulka Koonfur Galbeed, Mudane Shariif Xasan Sheekh Aadan, ayaa ugu baaqay dadka walaalaha ah ee ku dagaallamay Shabeellada Hoose in ay joojiyaan dagaalka oo ay isu tanasulaan, maamul ahaanna ay waqti badan ku bixin doonaan sidii arrintaasi loo dhameyn lahaa.

 

 

Did you like this? Share it:

LEAVE A REPLY

Please enter your comment!
Please enter your name here