Shil gaari oo ay dad ku dhinteen ayaa ka dhacay KM13

0
922

Ugu yaraan saddex qof ayaa ku dhimmatay shil gaari oo ka dhacay degaanka KM13 ee duleedka magaalada Muqdisho, sida ay ku warramayaan dad  goobjoogeyaal ah.

Gaari yar oo aroos ka keenay degmada Afgooye ayaa gaddoomay kaddib markii fariin laga waayay, halkaasna waxaa ku dhintay laba haween ah oo midkood uur lahaa iyo qof rag ah oo la tuhunsan yahay inuu ahaa darawalkii gaariga.

“Shilku wuxuu u dhacay, gaarigu kaligiis ayuu ahaa kaddibna waa soo fariin goostay, darawalkii gaariga waday wuu celin waayay, gaarigu wuxuu ahaa gaari Afgooye aroos ka keenay, Xamar ayuu u soo waday” ayuu yiri qof goobj-googe ah oo la hadlay Radio Muqdisho.

Dadka ku dhaawacday ayaa loo soo qaaday magaalada Muqdisho si loogu dabiibo goobaha caafimaadka.

Waddada u dhaxeysa Muqdisho iyo Afgooye, badanaa waxaa ka dhaca shilal noocaan ah oo ay ku waxyeeloobaan dad badan.Gaadiidka oo xawaare sare lagu wado iyo jidka oo dhuuban ayaa inta badan sababa shilalka.

Did you like this? Share it:

LEAVE A REPLY

Please enter your comment!
Please enter your name here