Shil gaari sababay dhimashada saddex ruux oo ka dhacay magaalada Dangorayo ee Gobolka Nugaal “SAWIRRO”

Shil Gaari oo sababay Dhimashada saddex ruux ayaa ka dhacay meel qiyaas ahaan Degmada Dangorayo ee Gobalka Nugaal u jirta 5KM kadib markii ay isku dhaceen laba Gaari oo kala ahaa Candha-maydle iyo mid ka mid ah Baabuurta kuwa Raaxada.

Wararka aan ka helayno deegaanka uu shilka ka dhacay ayaa intaa ku daraya in labo qof oo Meyd ah oo ku jirey gaariga yar laga saarey goobta shilku uu ka dhacay, halka qofka kale dhawaac ahaan looga soo saarey gaariga balse markii dambe uu isna geeriyooday dhaawicii shilka ka soo gaaray.

Gaariga Xamuulka ah ayaa ka tagay dhanka Garoowe halka gaariga yarna uu ka soo socday dhanka magaalada Boosaaso, Iyadoo uu dusha ka maray gaariga yar oo sida goob joogayaalku noo xaqiijiyeen in ay saarnaaayeen saddex ruux.

Magaalada Dangorayo waxay u jirtaa Garoowe 120KM wuxuuna ku soo aadayaa shilkaani, iyadoo dhawaan ay shaaciyeen Hogaanka nabadgalyada waddooyinka ee Puntland in ay kordheen Shilalka baabuurta deegaannada Maamulka Puntland ka dhacaya.

 

 

LEAVE A REPLY

Please enter your comment!
Please enter your name here