Shir caalami ah oo dhaqaale loogu ururinayo qaxootiga Soomaalida Kenya oo lagu qaban doono Nairobi

Gudoomiyaha hay’adda Qaxootiga iyo barakacyaasha Qaranka Soomaaliyeed Axmed C/kariin Nuur ‘’Axmed Daahir”, ayaa sheegay in Shir Caalami ah oo ku saabsan Qaxootiga Soomaalida Kenya lagu qabanayo bishaan gudaheeda Magaalada Nairobi.

Shirkaan oo lagu casuumayo Deeq bixiyaasha iyo Beesha Caalamka ayaa ujeedadiisa waxa ay tahay sidii dib u dajin loogu sameyn lahaa Qaxootiga kasoo laabanaya Kenya

Si loo fuliyo qorshaha dib usoo celinta Qaxootiga Soomaalida Kenya, waxa  uu sheegay Axmed Daahir inay  muhiim tahay in in lala yimaado Qorsho howled  iyo nidaam loogu adeegayo Qaxootiga.

Shalay ayey ahayd markii 100 Qof oo ka mid ah Qaxootiga Soomaalida Kenya ay dib ugu soo laabteen Dalka, arrintaasi oo qeyb ka ah qorshe la doonayo in dib u celin loogu sameeyo 3,600 oo Soomaali ah oo ku jira Xeryaha Dhadhaab.

Heshiis saddex geesood ah oo dhexmaray dowladaha Soomaaliya, Kenya iyo Hay’adda Qaxootiga ayaa dhigayay in Qaxootiga Kenya dib loogu celiyo Soomaaliya iyada oo aan la qasbeyn

 

 

LEAVE A REPLY

Please enter your comment!
Please enter your name here