Shir horumarinta Beeraha dalka looga hadlayay oo maanta Muqdisho lagu qabtay +Sawirro

Kulankan oo ay soo qaban qaabisay wasaaradda Beeraha iyo Waraabka ee xukuumadda Soomaaliya ayaa waxaa looga hadlay qaabka ugu haboon ee loo fulin karo mashaariicda horumarineed ee Beeraha dalka, waxaana ka qeybgalay; wakiilo ka kala socda dowlad goboleedyada, hey’adda FAO, Midowga Yurub iyo xeeldheeriyaal dhanka beeraha ah.

 

Wasiirka Beeraha iyo Waraabka Soomaaliya mudane Saciid Xuseen Ciid oo shirka daahfuray ayaa ka hadlay muhiimada kulankan,  wuxuuna dhinaca kale sheegay in ay dowaladda Soomaaliya ka go’antahay in la dhiirigeliyo wax soo saarka dalka si loo gaaro isku filnaansho dhanka cuntada ah oo  dhameystiran.

Wasiirada Beeraha ee dowlad goboleedyada Hirshabelle, Jubaland iyo Koonfur Galbeed oo dhankooda shirka ka hadlay ayaa si wadajira u soo dhaweeyay kulankan, waxeyna  sheegeen in ay raali ka yihiin in ay xoojiyaan wada shaqeynta ay la leeyihiin dowaladda dhexe si loogu guuleysto mashruucan lagu horumarinayo Beeraha iyo waraabka Soomaaliya oo ay maalgelineyso midowga Yurub isla markaana ay fulintiisu leedahay hay’adda Qaramada Midoobay u qaabilsan cunnada iyo beeraha ee FAO.

Wasaarada Beeraha iyo waraabka Soomaaliya ayaa dadaalo isdaba jooga ugu jirta sidii loo horumarin lahaa wax soo saarka dalka, si loo gaaro isku filnaansho dhanka cuntada ah.

Did you like this? Share it:

LEAVE A REPLY

Please enter your comment!
Please enter your name here