Shir ka hortagga argagaxisada looga hadlayay oo Suudaan lagu qabtay-Sawirro

2232

Shir laba maalomood socnayay oo looga hadlayay istiraatiijiyada la dagaalanka fekirka argagaxisada ayaa lagu soo gabagboobay caasimada Suudaan ee khartuum.

Kulankan  oo quseeyay dowladaha geeska iyo bariga Africa ayaa waxaaa ka soo qeyb galay xubno ka socday dowladaha ku bahoobay ururka goboleedka IGAD iyo xubno ka socda midowga Yurub, Malaysia iyo India iyadoo ay Soomaaliya uga qeyb galeen xildhibaan Mustafe Sheekh Cali dhuxulow iyo Engineer C/raxmaan Cumar Cismaan (Yariisow) oo ka mid ah xubnaha ay ururka IGAD u xushay dejinta istiraatijiyada la dagaalanka fekirada argagaxisada.

Sidoo kale waxaa goob joog ka ahaa Diblumaasiyiin ka socday wadamada caalamka iyadoo Safaaradda Soomaaliya ee Dalka Suudaana uu goobjoog u ahaa Fiidow Maxamuud Fiidow oo ah Uqaybsanaha Warfaafinta Safaaradda.

Engineer C/raxmaan Cumar Cismaan (Yariisow) ayaa sheegay in kulankan uu ahaa gunaanadka kulamo ay horay ugu soo qabteen qaar ka mid ah dowladaha Africa sida dalalka  Itoobiya iyo Kenya.

Sidoo kale, Engineer Yariisow ayaa sheegay in shirka lagu amaanay Soomaaliya sida ay horumar ugu sameysay la dagaalanka argagaxisada isla markaana qorshahan loogu gol leeyahay sidii loo heli lahaa hanaan mideysan oo lagula dagaalamayo fekirkan dhibaatada ku haya guud ahaan caalamka gaar ahaan dalalka geeska Afrika.

IMG_20160905_161447 IMG_20160905_161453 IMG_20160905_161521 IMG_20160905_161534 IMG_20160905_161559 IMG_20160905_161617 IMG_20160905_161623 IMG_20160905_161646 IMG_20160905_163040 IMG_20160905_163119 IMG_20160905_163133 IMG_20160905_163214 IMG_20160905_163358

W/D: Maxamed C/qaadir Sacdaal

Did you like this? Share it:

LEAVE A REPLY

Please enter your comment!
Please enter your name here