Shir looga hadlayay ilaalinta hantida maalgashadayaasha Soomaaliya oo lagu qabtay Nairobi “Sawirro”

0
1629

Shirkani oo ay soo qaban qaabiyeen xafiiska R/wasaaraha iyo wasaradda Caddaaladda isla markaana uu gacan ka geysatay bangiga aduunka ayaa waxaa looga hadlaya arrimo dhowr ah oo ku saabsan sidii qaanuunka caalamiga ah loo waafajin lahaa dhexdhaxaadinta iyo xallinta qilaafaadyada soo cusbanada ee soo kala dhexgala dowladda iyo ha’
addaha maalgashiga ku sameynayo Soomaaliya iyadoo aan la aadin hay’adaha sharciga.

Shirkani ka furmay magalada Nairobi oo socon doono muddo labo maalmood ah laguna soo gaba gabeyn doono magalada Muqdisho ayaa waxaa ka qeyb galay wasiirka Isgaarsiinta iyo Boostada, wasiir ku xigeenka Caddaaladda
iyo  Dastuurka iyo Xeer ilaaliyaha Qaranka, Qareenno iyo safiirrada dalalka Caalamka u fadhiya  Kenya iyo xubno kale oo ka socday beesha caalamka .

Intii uu socday kulanka ayaa xubnihii goobta ka hadlay waxa ay dhiiri galiyeen in Soomaaliya ay ku biirto dalalka si sharciyeysan u ilaaiya hantida  maalgashadayaasha  isla markaana qaab sharci ah lagu xalliyo qilaafaadyada lana waafajiyo qawaaniinta caalamiga ah ee dhexdhaxaadinta.

Xeer ilaaliyaha Qaranka  Axmed  Cali  Daahir  ayaa markii uu soo gaba gaboobay shirka waxa uu ka warbixiyay ujeedka kulanka iyo muhimadda uu u leeyahay Soomaaliya.

“Arinta laga hadlayo waxa ay ku saabsantahay dhexdhaxaadinta iyadoo aa la aadin hay’adihii sharciga in lagu xaliyo qilaafka qaab dhex dhaxaadin ah ama qaab heshiis horay loosii galay,wuxuuna muhiim u yahay maadama wadanka uu hadda dib usoo noqonayo dowladnimadiisa iyo ganacsigiisa dib usoo noqonayo caalamkana uu rabo inuu maalgashi ku sameeyo,waxa soo dhana waxay u baahanyihiin shuruuc iyo qawaaniin lagu hago” ayuu yir Xeel Ilaaliyaha guud ee Qaranka.

Wasiirka Wasaaradda Boostada iyo Isgaarsiinta Xukumadda F. S. Soomaaliya Mudane Guuleed Xuseen Cabdulqadir Qaasim oo isna ka warbixiyay shirka ayaa waxa uu sheegay in shirkani uu dhiirigelinayo maalmashiga
Soomaliya iyo ilaalinta hantida maalgashadayaasha.

“ula jeedadku waa labo, inaan dhiiri gelino maalgashigii iyo horumarkii dalka iyo dadka maalgashiga ku sameynayo in dhaqaalahoodii nidaam lagu raadiyo si loogu dhiiri geliyo hantidiina sharci iyo nidam ayaa ilaalinayo waa labo arimood oo is leh loona baahan yahay,waxana rajeynaynaa shirkani inay noo noqoto wadahadalkeenii 1 aad,si aan xeerkii dhaqanka ahaa inaan nidam sharci ah ka dhigno,oo ku waafaqni idaamka caalamiga ag ee Aduunka” ayuu yiri wasiirka Boostada iyo Isgaarsiinta Soomaaliya.

Shirkan ayaa lagu wadaa in maalinta beri ah lagu soo gaba gabeyo Magalada Muqdisho.

IMG_7223 IMG_7216 IMG_7209 IMG_7206 IMG_7182 IMG_7168 IMG_7167 IMG_7155 IMG_7148 IMG_7143 IMG_7135 IMG_7134

Did you like this? Share it:

LEAVE A REPLY

Please enter your comment!
Please enter your name here