Shir lagu soo bandhigayo deeqaha waxbarasho oo ay Hindiya siiso dowladaha Afrika oo ay ku jirto Soomaaliya Oo Ka Furmay Nairobi”Sawirro”

Shir lagu soo bandhigayo deeqaha waxbarasho oo ay dowladda Hindiya siiso dowladaha Afrika oo ay ku jirto dowladda Soomaaliya iyo fursadaha waxbarasho oo ay bixiso Hindiya ayaa maanta ka furmay magaalada Nairobi, waxaana shirkaas Soomaaliya uga qeybgalaya Wasiiru dowlaha wasaaradda waxbarashada mudane C/laahi Bile Nuur.

Shirka oo socon doona muddo laba maalin ah,diiradana lagu saaraya arrimaha waxbarashada ay bixiso dowladda Hindiya ayaa waxaa sidoo kale ka qeyb galay wasiiru dowlada wasaarada warfaafinta,dhaqanka iyo dalxiiska xukuumada Soomaaliya Maxamuud Cabdi Xasan Bekos.

Wasiiru dowlaha wasaaradda waxbarashada ee dowladda Soomaaliya mudane C/laahi Bile Nuur oo shirka kaddib la hadlay Telefishinka qaranka ayaa tilmaamay in shirka inta uu socday ay safiirka dowladda Hindiya u fadhisa Soomaaliya ay ka codsadeen in la kordhiyo deeqaha waxbarsho oo ay dowladda Hindiya siiso Soomaaliya.

Wasiiru dowlaha ayaa sheegay in dowlada Hindiya ay soo bandhigtay horumarka ay ka gaartay dhanka waxbarashada iyo deeqaha waxbarasho oo ay hindiya ay siiso wadamada afrika oo ay saxiibka yihiin.

Wasiirka ayaa intaa ka daray in safiirada ay aqbashay in la kordhiyo deeqaha waxbarsho oo ay dowlada Hindiya siiso soomaaliya,waxaana uu rajo wanaagsan ka muujiyay in shirka uu ku soo dhamaado jawi is afgarasho ah.

Dowlada Hindiya ayaa kamid ah wadamada deeqaha waxbarsho siiya dowladda Soomaaliya.

IMG_4681 IMG_4682 IMG_4683 IMG_4684 IMG_4691 IMG_4692 IMG_4706 IMG_4708 IMG_4710 IMG_4712 IMG_4713 IMG_4714 IMG_4718 IMG_4720 IMG_4721 IMG_4726 IMG_4727 IMG_4729

Sawir Qaade:- Hassan Omar Baffo

LEAVE A REPLY

Please enter your comment!
Please enter your name here