Shir looga hadlayay amniga Soomaaliya oo lagu soo gabo gabeeyay Denmark “SAWIRRO”

0
1829

Shir looga hadlayo ammaanka Soomaaliya oo uu ka qeyb-galay Wasiirka Amniga Gudaha Soomaaliya iyo xubno kale ayaa lagu soo gabo gabeeyay magaalada Copenhagen ee dalka Demark.

Shirka ayaa waxaa ka qeyb galay Wasiirka Arrimaha dibadda ee dalka Denmark Martin Lidegaard, Wasiirka Ganacsiga Denmark Mogens Jensen, qaar ka mid ah mas’uuliyiin ka socday hay’adaha ku shaqada leh dhanka amniga iyo kuwa kale oo taageera Soomaaliya, waxaana inta uu socday lagu gorfeeyay arrimaha ammaanka Soomaaliya iyo horumarka ay dowladda ka gaartay dhanka Nabadgelyada.

Wasiirka Amniga Gudaha ee xukuumadda Soomaaliya Mudane Cabdirisaaq Cumar Maxamed ayaa faah faahin ka bixiyay xaaladda guud ee dalka, gaar ahaan amniga,  la dagaallanka xagjirka ah Al-Shabaab, burcad badeedda iyo dhismaha maamul goboleedyada dalka oo meel wanaagsan maraya.

Wasiirka Ganacsiga Denmark Mogens Jensen ayaa sheegay inay ka go’antahay sidii ay u taageeri lahaayeen dowladda Soomaaliya, isla markaana 50% dhaqaalaha ku baxaya arrimaha amniga iyo dhismaha Maamul Goboleedyada dalka ay saddaxa sano ee soo socota ka caawinayaan Soomaaliya

Shirka oo ahaa mid hal maalin ah ayaa gabo gabadii dowladda Soomaaliya lagu ammaanay horumarka xagga amniga ee ay sameysay.

11051098_1040429852651332_1618153789_n 11074671_1040438295983821_1372010204_n 11088689_1040427489318235_1460124913_n 11104090_1040438122650505_1996189804_n 11106487_1040437925983858_1191849157_n

Sahra Maxamuud Cali (Zusana)

 

 

Did you like this? Share it:

LEAVE A REPLY

Please enter your comment!
Please enter your name here