Shir looga hadlayay dhameystirka dhismaha cisbitalka degmada Warshiikh oo lagu qabtay dalka Sweden

1870

Shir looga hadlayey dhismaha cisbitaalka degmada Warshiikh ee gobalka Shabeellaha dhexe  iyo sameynta mashaariicyo kale oo horumarineed  ayna ka soo qeybgaleen Jaaliyadda  ka soo jeeddo deegaanno ka tirson Gobalka Banaadir iyo shabeellaha dhexe oo isaga kala yimid  qaar ka mid ah wadamada Yurub ayaa lagu qabtay magaalada
Gothenburg ee caasimadda labaad ee dalka Sweden.

Kulankaasi ayaa waxaa sidoo kale ka qeybgalay R/wasaarihii hore ee Soomaaliya Danjire Nuur Xasan Xuseen (Nuur Cadde )  iyo mas’uuliyiin  kale,  waxaana lagu soo soo bandhigay waxqabadka guddiyadii u howlgalay dhismaha cisbitaalka degmada Warshiikh oo iminka gabogabo ah iyo sida lagama maarmaanka ay u tahay in laga wada
qeybqaato dhameystirka iyo shaqo galinta cisbitaalkaasi oo baahi weyn ay u qabaan hooyada iyo dhallaanka ku nool deegaannada ku xeeran degmada Warsheekh ee gobalka Sh.Dhexe.

Danjire Nuur Xasan Xuseen (Nuur cadde) ayaa  bogaadiyey waxqabadka muuqda ee jaaliyadda ee dalka Sweden waxa uuna ugu baaqay jaaliyadaha kale in ay is abaabulaan ayna door mug leh ka qaataan dhismaha cisbitaalka iyo mashaariicda kale ee muhiimka u ah bulsha weynta ku dhaqan deegannada Muqdisho, Cadale iyo Warshiikh.

Xubno matalayey jaaliyadaha  Finland, Denmark, Norway Jarmalka iyo Uk, oo goobta ka hadlay ayaa ballan qaaday in ay ka qeyb qaadan doonaan dhismaha cisbitaalkan, waxa ayna muujiyeen in ay si weyn ugu faraxsan yihiin abaabulka iyo isku xirnaanta jaaliyadda waddanka Sweden.

Ugu dambeyntii  shirka oo socday muddo laba cisho ah ayaa waxaa lagu doortay guddi cusub oo hoggaamin doono sedexda sano ee soo socoto waxaana loo doortay Sayid Cali Macalin Seerjito.

Did you like this? Share it:

LEAVE A REPLY

Please enter your comment!
Please enter your name here