Shir looga hadlayay ka hortagga abaaraha soo noq noqday oo lagu soo gabo gabeeyay Garoowe “SAWIRRO”

0
441

Shirkii wada tashi qorshaha loogu sameenayay soo kabashada u adkeysiga  Abaaraha  Soomaaliya ayaa maanta  lagu soo gaba gabeebayay magaalada Garowe ee Xarunta Gobolka Nugaal, isla markaana xarun u ah dowlad goboleedka Puntland, waxaana mudada shirka uu socday diiradda la saaray qodabo  badan oo ay ka mid  yahiin soo nooleynta  ilaha dhaqaalaha, wax soo saarka iyo qodabo kale.

Munaasabada xirtaanka shirka waxaa goobjoog ka ahaa qaar ka mid Wasiirada Puntland, Agaasimaha Guud ee  Wasaaradda qorsheynta iyo Agaasimiyaasha  guud  ee dowladdaha xubnaha ka ah dowladda Federaalka iyo madax kale.

Agaaasimaaha guud ee Wasaradda qorsheynta Jubbaland Cabdiwaaxid Maxamed Dhaqane ayaa sheegay in maamulada ay soo dhaweenayaan wax ka qabashada abaaraha soo noq noqday ee dalka.

‘Hadii aan  nahay dowladdaha xubnaha ka ah dowladda dhaxe waxaan bogaadinayaa horumarka dowlad Gobaleedka Puntland, arinta hadii aan gudo galo waxaa  inoo muuuqda in la soo qaaday talaabooyin waa wayn ee wax looga qabanayo abaarahan” ayuu yiri Cabdiwaaxid.

Cabdulqaadir Maxamed Aadan Agaasimaha Guud ee Qorsheynta Dowladda Federaalka ayaa waxuu xusay in maanta  ay muhiiim tahay in intaan Soomaali ah ay qorsheeyaan sidii  soo kabasho  u adkeysi abaaraha  Soomaaliya ugu sameyn  lahaayeen.

“Muhiimadda shirkan la isku raacay waxaa ay yahiin qodabo dhowr ah oo ay ka mid yahiin  soo nooleynta ilaha dhaqaalaha wax soo saarka, dadka halkan jooga wax ay sameyn karaan  qorshaha Qaranka Soomaaliyeed waa muraayada Qaranka  heer Federaal iyo mid  dowladd Gobaleed marka waxaan sameynay afarta cisho ee aan halka joognay shaqooyin  badan oo wax looga qabanayo abaarahan soo noq noqday, iyadoo la iska qaadanayo warbixintii ka soo baxday qiimeyntii ku saabsaneeyd isla qaadayashada  abaaraha soo noqday ee DINA.130 taalabo oo waa wayn ah ayaa wax looga qabanayaa soo kabahsada abaaraha, waxaana la eegayaa mudnaanta maamul walbo uu leeyahay” ayuu yiri Agaasime Maxamed Aadan.

Wasiirka Qorsheynta dowlad Gobaleedka Puntland Shire Xaaji Faarax ayaa sheegay in maanta meel wanaagsan Qaranka Soomaaliyeed uu jooga oo ka hadlayo wax keenay abaaraha soo noq noqday.

“Waxaa muhiiim ah in aan ogaano waxa soo cel celiyay abaaraha aan dursano haddii si wadajir ah howshan u qabaneyno waa muhiim si uu Qarankeena u gaaro horumar iyo barwaaqo” ayuu yri Shire.

Wasaaradda Qorsheynta iyo kuwa dowladd gobaleedyada waxaa ay wadaan dadaalo ku aadan sidii dalka loogu sameyn lahaa qorshe wax looga qabanayo abaaraha soo laab laabtay.

 

Head Office Media Minister of Plan

Abdirahsiid Nuur Ibraahiim

Did you like this? Share it:

LEAVE A REPLY

Please enter your comment!
Please enter your name here