Shir looga hadlayo ololaha Tallaallka Xoolaha oo ka furmay Muqdisho

1296

Shirkani  oo ay soo qabanqaabisay Wasaradda Xanaananada, Xoolaha, Dhirta iyo Daaqa ee Xukuumadda Soomaaliya ayaa ahaa mid lagu daah furayay  ololaha Talaalka Xoolaha ee cudurada Jadeecada iyo furaqa oo inta badan xoolaha ku dhaca qaabka loo gaarsiinkaro dhanka miyiga ee Gobolada dalka Soomaaliya .

Qaar ka mid ah Wasiirada Xanaanada Xoolaha ee Maamul Goboleedyada dalka dhaqaatiir ajaanib ah iyo dhaqaatiirta xirfadleeyda Soomaaliyeed ayaa ka soo qeyb galay shirka,  iyadoo kulanka daahfurka ololaha talaalka lagu qeexay in dalkeena u yahay mid ku tiirsan xoolaha, loona bahan yahay in ahmiyad gaar ah lasiiyo caafimaad qabka Xoolaha.

Ibraahim Cabdi Xasan Wasiir ku-xigeenka Xanaanada, Xoolaha ee dowlad Goboleedka Jubbaland oo shirka ka hadlay ayaa sheegay in maamul ahaan ay soo dhaweynayaan ka warqabka cafimaadka Xoolaha, waxaa uuna u mahad ciliyaya dhaqaatiirta isku howshay arrinta.

Drs Nuurta Sheekh Maxamuud oo kamid ah dhaqaatiirta xirfadleeyda Xanaanada, Xoolaha ayaa sheegtay in oloaha talaalka uu sahli karo in la helo xoolo cafimaad qaba,  taasi oo sahleysa inay fududaato iibka xoolaha la dhuufiyo.

Mudane Cabdikariin Khaliif Dhalac Wasiir ku-xigeenka Wasaaradda Xanaanada, Xoolaha, Dhirta iyo daaqa oo wareysi gaar ah siiyay Warbahinta Qaranka ayaa sheegay in ololaha talaalka la gaarsiinayo Gobolada Dalka, ayna kala sheqeyn doonaan dhaqaatiirta  ku taqasuusay Xanaanaanada Xoolaha kaasi oo socdoono muda labo bilood ah.

Wasaaradda Xanaanada, Xoolaha, Dhirta iyo Daaqa ee Xukuumadda Soomaaliya ayaa sanadkiiba labo jeer sameeysa talaalka caafimaad qabka xoolaha,  madaama dalkeena uu yahay mid ku tiirsan yahay xoolaha.

 

Did you like this? Share it:

LEAVE A REPLY

Please enter your comment!
Please enter your name here