Shir looga hadlayo xoojinta amniga oo xalay lagu qabtay Muqdisho

3
1542

Shir looga hadlayay amniga iyo sidii loo xoojin lahaa oo uu shir guddoominayay Wasiirka amniga gudaha ayaa xalay lagu qabtay magaalada Muqdisho.

Kulankani oo ay ka qeyb galeen Taliyaha hay’adda nabad sugidda iyo Qaranka, saraakiil ka tirsan ciidamada qalabka sida ee Soomaaliya iyo kuwa AMISOM ayaa diiradda lagu saaray adkenyta Nabadgelyada caasimadda iyo in laga hortago cidkasta oo abuureysa amni darro.

Afhayeenka Wasaaradda Amniga gudaha Maxamed Yuusuf Cismaan oo la hadlay Warbaahinta Qaranka ayaa sheegay in shirka diiradda lagu saaray amniga, isla markaana uu Wasiirka ugu baaqay shacabka in ay sii xoojiyaan wada shaqeynta ay la leeyihiin hay’adaha amniga, si looga hortago dhagarta ay maleegayaan kooxda Shabaab.

Maxamed Yuusuf ayaa xusay in bulshada looga fadhiyo inay iska koontaroolaan gaadiidkooda kahor inta aysan wadanin, taasi oo uu ku sheegay in looga hortagayo qaraxyada gawaarida lagu xirayo ee ay Shabaabku ku dhibaateynayaan bulshada.

Sidoo kale shirka aya inta uu socday waxaa lagu cambaareeyay falkii lagu dhaawacay Enjineero Soomaaliyeed oo gaaari ay wateen waxbaaha qarxa loogu xiray, kuwaasi oo uu dhaawac ka soo gaaray, isagoo u rajeeyay in Alle uu bogsiiyo.

Did you like this? Share it:

3 COMMENTS

  1. wadan kasta waxaa muraayadiisa u ah ow caalamku fiirinaayo caasimadiisa sidaas darteed waxaa waajib ah in dowladu sameyso qorshe aad loo darsay oo lagu sugaayo amniga caasimada.
    kadib weerarkii isbuuci hore waxaa soo baxday in ay jirto habacsanaan amni oo dhalisay cabsi iyo niyad jab ka jirta caasimada.
    waxaa jirta xaqiiqo aan qarsaneyn oo ay waajib tahay in dowladu dareento inta aan xal la raadin .
    xaqiiqadaanu waxeey tahay in dowladi oo dhami ay degen tahay hoteelo qaasatan xildhibaanada.
    sida caadadu tahay waxaa lagu yaqaanaa in dowladkastaahi ay shacabkeeda la wadaagto nolasha oo meesha shacabku dego ay la degto waligeed lama arag taariikhda dowlad degeysa hoteel. hoteel waxaa dega dad ajaanib ah ama dad safar ah oo meel kale u socda amaba wadan kale ka yimid berina dhoofi doono, marka maxeey tahay dowlada iyadoo shacabkeei dhax joogto aan ku kalsooneyn ineey shacabkeeda dhex degto.
    in wadanku yahay wadan dagaal oo dhagar qabayaashu madaxda beegsanayaan waa arrin cad laakiin su,aashu waxeey tahay in hoteel ladego ama madaxweynaha madaxtooyada lagu ciriiriyo ma xalbaa?
    tan kale in shacabki maalin kasta la beegsanaayo owna ku sabraayo laakiin dowladi ay hoteelo isku oodo kuna bixiso boqolaal kun oo hanti ah intii amniga sidii loo adkeylahaa xooga iyo maaliyada laysugu geyn lahaa,
    si loo soo af jaro amni darada.
    miyaaneey muuqan in in shacabka soomaaliyeed dareemay in dowladaan hoteelada degeni ee badankood baasabooro ajanabi haystaan ineey tajribo meesha u joogaan oo hadii amaan la helana halaysla joogo hadii amni la waayana halkaan ka imid iyo naba darintu tahay markastana dhibaatadu ku dhacayso shacabka degen magaalada muqdisho.
    runta hadaan laysu sheegin dowlada kaligeed nabad dhalinkari mayso in shacabka kalsooni laga helana waa furaha nabada,

    marka anigoo ah hooyo soomaali jecelna in aan arko inta aan noolahay wadankeygi oo nabad ah iyo shacabkeygi oo nabad ah waxaan soo jeedin lahaa arrimahaan.

    1-in maanta laga bilaabo ay mas,uuliyiinta dowladu soo dhax degaan shacabkooda taas oo keenaysa kalsooni dhexmarta madaxda iyo shacabka ,shardi mahaha in mid walba meel dago marxaladaan laakiin waxaa la awoodaa in majmuucaba ay degmo degto halkaasna amaankooda lagu adkeeyo iyadoon dowlada culeys la saareeyn ee masuuliyiintu dhaxdooda iska jaraan qarashka lagu ilaalinaayo.
    2-in xildhibaanadu ka qayb qaataan horumarinta iyo amniga sida ineey la shaqeeyaan gudoomiyayaasha degmooyinka gobalka banaadir iyo ineey dhalinyarada u sameeyaan shaqo abuur waayo dhalinyarada la marin habaabiyay ee is qarxinaayo badankood waxaa loo adeegsaday faqriga haayo.
    3-lala socdo dhaqdhaqaaqyada hay,adaha amniga shisheeye iyo weliba safiirada wadanka joogo waayo mararka qaar ayeey dhacdaa in wadan dhan amnigiisa ay halaagto hal safaarad oo saaxiib laga dhigtay laakiin hadafkeedu yahay inaan wadankaanu kor u kicin hadaana indhaha iska tirayna waa ognahay ineey jiraan safaarado aan qayr nala jeclayn.

    4- in guryaha ijaarka ah lagu soo rogo ineey qofkastoo guri ijaaranaayo lagu xiro inoow sameysto caqdi ijaar lagana qoro macluumaadka qofka guriga ijaaranaayo iyo inta qof ee ey ka kooban yihiin.
    5-in hoteelada aad loola socdo qorsha la darsana loo sameeyo dadka ka shaqeeyo iyo dadka ku soo degaayo waana in mulkiilayaasha lagu amro hadii shabaab lagu helo hoteelkiisa in lala wareegaayo hadii ow sidaas ogaay
    6-in dowladu culumada ka codsato ineey shacabka towciyo xoog leh u sameeyaan waayo culumada codkoodu meel dheer ayoow gaaraa.
    7-in dowladu sameyso qorshe muuqda oo wax looga qabto shaqo la,aanta dhalinyarada hayso taas oo hadii la helo aan isleeyahay amniga wax weyn ayaa laga qabtay waayo cida noola adeeg sanaayo waa ubadkeeni .

    8- in waxbarashada lagu dadaalo xag diineey iyo xaga kalaba waayo jahligu waa cadawga ugu weyn.

    illaaheey waxaan ka baryaynaa inoow nagu irsaaqo amni iyo amaan

LEAVE A REPLY

Please enter your comment!
Please enter your name here