Shir looga tashanayo qorshaha Qaranka oo ka furmaya Baydhabo

2414

Shirka wada tashiga dhameystirka Qorshaha Qaranka ayaa maanta lagu wadaa in uu ka furmo magaalada Baydhabo ee xarunta Gobolka Baay, kaasi oo ay ka qeyb galayaan mas’uuliyiin ka tirsan dowladdda Federaalka iyo kuwa Maamul goboleedyada dalka.

Shirka oo ah mid hal maalin, isla markaana ay soo qaban qaabisay Wasaaradda Qorsheynta iyo xiriirka Caalamiga ah ee Xukuumadda Federaalka ayaa diirada lagu saari doono qabyo qoraalka qorshaha Qaranka oo ay Wasaaraddu dhawaan soo bandhigtay, waxaana ka qeyb galayaasha ay ka doodi doonaan qodobada ugu muhiimsan, si la isla meel dhigo qorshe Qaran oo ay yeelato Dowladda Federaalka iyo Dowlad goboleedyada xubnaha ka ah.

Wariyaha Warbaahinta Qaranka Cabdirashiid Nuur Ibraahim ayaa ku soo waramay in shirka ay ka qeyb geli doonaan Guddiga tala bixinta horumarinta qorshaha Qaranka oo ka kooban Mas’uuliyiin ka tirsan dowladda Federaalka, Ururka haweenka Qaranka, Ururka dhallinyarada, Qaar ka mid ah mas’uuliyiinta Jaamacadaha Dalka iyo Wasiirada Dowlad goboleedyada.

Did you like this? Share it:

LEAVE A REPLY

Please enter your comment!
Please enter your name here