Shirka baarlamanka F.S. iyo baarlamaannada dowlad goboleedyada oo ka furmay Baydhabo

0
1241

Magaaladda Baydhabo ee xarunta gobolka Baay waxaa maanta ka furmay shirka Golayaasha Sharci dejinta ee dowladda Dhexe iyo Dowlad Goboleedyada.

Gudoomiye ku xigeenka labaad ee golaha shacabka Mudane Maxamed C/lla Cawad oo furitaanka shirka ka hadlay ayaa sheegay in shacabka Soomaaliyeed ay fahmeen muhiimadda federaalka uu leeyahay mihiimna ay tahay in horumarka dalka laga wada shaqeeyo.

Gudoomiyaha golaha shacabka ee J. F. S. Mudane Maxamed Sheekh Cusmaan “Jawaari” oo si rasmi ah shirka u furay ayaa sheegay in shirarka noocaan ah lagu horumarin karo wada shaqeynta iyo iskaashiga Dowladda dhexe iyo dowlad goboleedyada sidoo kale loo baahanyahay in dowlad goboleedyada laga qeyb geliyo sameynta shuruucda dalka.

Gudoomiyayaasha Golayaasha sharci dejinta dowlad goboleedayada ee shirka ka qeyb galaya ayaa dhankooda ka hadlay muhiimadda shirkan uu maamul goboleedyada u leeyahay.

Shirkan ayaa socon doona muddo sedax maalin ah iyadoo geba gabadiisana la filayo in qodobo laga soo saaro.

Xubnaha shirka ka qeyb galay oo uu hogaaminayo Gudoomiyaha golaha shacabka JFS ayaa sidoo kale maanta kormeer ku tagay qaar ka mid ah xarumaha ay ku shaqeeyaan wasaaradaha Dowlad goboleedka Koonfur Galbeed Soomaaliya.

Did you like this? Share it:

LEAVE A REPLY

Please enter your comment!
Please enter your name here