Shirka dib u heshiisiinta Hiiraan oo Nairobi laga taageeray “Sawirro”

0
1584

Kulankani oo ay soo qaban qaabiyeen qeybaha bulshada reer hiiraan ee ku dhaqan dalkani kenya ayaa waxaa ka qeyb galay xildhibaano ka tirsan baarlamaanka Soomaaliya,mas’uul ka tirsan wasaarada qorsheynta ee xukummada Soomaaliya odoyaal,waxgarad,Culumaa’udiin,dhalinyaro iyo haween.

Kulanka oo lagu taageerayay shirka dib u heshiisiinta iyo Aayo ka talinta reer Hiiraan ee ka socda magaalada B/weyne ayaa warbixinno looga dhagaystay xildhibaanada kala ah Abuukaate Daahir Xasan Cabdi iyo Xildhiban Cali Nuur Xuseen Boodaaye oo ka tirsan xildhibanada baarlamanka soomaaliya,kuwasi oo dhawaan tegay magaalada B/weyne soona arkay qaabka uu u socdo shirkaasi.

Ugu Horeyn waxaa ujeedada kulanka ka warbixiyay C/qaadir Sheekh Muumin oo ku hadlayaay magaca bulshadii soo qaban qaabsiay kulankan ayaa yiri “Culimaa udiinka iyo dhalinyarada anigoo magacooda ku hadlayo inan soo dhaweeyo Xildhibanada maanta martida noogu ah fadhigan iyo iyagoo nagala qeyb galayo shirka dib u heshisinta iyo aaya ka talinta ee maanta ka soconayo magalada Baladweyne”

Qaar ka mid ah waxgaradkii kulanka ka hadlay oo ay ka mid ahaayeen Abuukar Jimcaale Gabow iyo maxamed shukri ayaa waxay muujiyeen taageerada ay u hayaan shirka dib u heshiisnta ee ka socda magaalada B/weyne.

“Reer hiiranka meesha fadhiyow waxan leeyahay midka maqan ama gobalkii ha jiro ama qurbaha ha jiro ama hada magalada ha joogo reer hiiraan ah waxan leeyahay aayihiina sida hada aad uga tashateen oo xildhibanada joogaahu ay hogaanka u qabteen arinta ku ayida, ayaga garab istaaga koleey anigu shaqsi ahaan wan garabtaaganahay inta kalana waxan ugu baaqayaa inay garab istaagto” ayuu yiri nabadoon Maxamed Shukri.

“Anagu galabta waxan u nimiday inan taageerno shirka dib u heshiisinta iyo Aaya ka talinta reer hiiraan,waan taagereynaa wan soo dhaweynaynaa,wixii siyaasad ah siyaasiyiinta ayan u deynaynaa” ayuu yiri Shiikh Abuukar Jimcaale Gaabow.

Xildhibaan Abuukaate daahir iyo Xildhiban Cali Nuur  Boodaaye  ayaa waxay si kooban uga warbixiyeen qaabka uu ku bilowday iyo heerarkii kala duwanaa ee uu soo maray shirka dib u heshiisiinta ee ka socda magaalada b/weyne iyo Halka uu hada marayo.

“waxan ku tashanay hadan nahay reer hiiraan inaan anaga isku tashano,inaan u diyaar garowno sidii aan dowlad ku noqon lahayn anagoo aan cidna hoostagin sidii aan dowad ku noqon lahayn,taa marka waxan u diyaar garownay ilaa iyo 2 sano ku dhawaad ayaan shirar isdaba joog ah hanoqoto kuwa ‘tele cofrerence’taleefonada aan ku qabanay,ha noqdaan kuwa dowlada aan la fadhiisanay xildhibanada anagoo ah,anagoo reer hiiraan ah,nairobi ha noqoto wadankii ha noqoto shirar gooni gooni ah reer hiiranka kale aan la galnay,intaasoo dhan waxan u soconay waxay ahayd si ay dowlad ay reer hiiraan leeyihiin uga dhalato gobolka hiiraan ” Ayuu yiri Xildhibaan Abuukaate Daahir Xasan Cabdi.

“Barnaamijkaas dib u heshiisiinta wuxuu soo socday ilaa 1 dii bishii may ilaa had  waa socdaa,habka wax loo waday wax loo waday waxay ahayd beelihii reer hiiraan oo loogu baaqay inay gogoshaas yimaadaan 9 ka mid ah ayaa timid qaarna waa ay diideen,kulankaas wuxuu soo dhamaaday mudo hada laga joogo labo todobaad beelihii isugu yimid qaarna waxay go aan ku gaareen wixii kala gaaray inay xalay dhalay ka noqdaan,qaarna waxay ku heshiiyeen in dib u heshiisiintooda ay mudo dheer socoto”Ayuu yiri xildhibaan Cali Nuur Boodaaye.

Shirka qeybta dhiman oo aaya ka tashigana waa furmay,isagana insha allah waxan rajaynaynaa inay natiija fiican kasoo baxdo,dadkaan waxay ku maalgeliyeen shirka natiijadiisa meesha laga arko”Ayuu sii raaciyay Cali Nuur Boodaaye.

Shirka dib u heshiisiinta iyo Aayo ka talinta Reer Hiiraan ayaa in ka badan mudo bil ah waxa uu socdaa magaalada B/weyne ee Xarunta gobolka Hiiraan,iyadoo ay heshiisyo nabadeed ku kala saxiixdeen beelaha dega gobolkaasi.

Hiiraan 1 Hiiraan 3 Hiiraan 4 Hiiraan 5 Hiiraan 6 Hiiraan 7 Hiiraan 8 Hiiraan 10 Hiiraan 11 Hiiraan 12 Hiiraan 13 Hiiraan 16 Hiiraan 18 Hiiraan 19 Hiiraan 20 Hiiraan 21 Hiiraan 22 Hiiraan 23 Hiiraan 25 Hiiraan 26 Hiiraan 27 Hiiraan 28 Hiiraan 29 Hiiraan 30 Hiiraan 31 Hiiraan 32 Hiiraan 33 Hiiraan 34 Hiiraan 35 Hiiraan 36 Hiiraan 39 Hiiraan 40 Hiiraan 41 Hiiraan 44 Hiiraan 45 Hiiraan 46

Did you like this? Share it:

LEAVE A REPLY

Please enter your comment!
Please enter your name here