Shirka Golaha Wadatashiga Qaran oo lagu wado in uu maanta ka furmaya Muqdisho

Shirka Golaha Wadatashiga Qaranka ayaa lagu wadaa in uu maanta oo sabti ah si rasmi uga furmo magaalada Muqdisho.

Kulanka oo uu shir guddoomin doono Ra’iisul Wasaare Xukuumadda Federaalka Soomaaliya mudane Maxamed Xuseen Rooble, ayaa lagaga hadli doonaa diyaar garowga doorashooyinka Golaha Shacabka ee Baarlamaanka Federaalka Soomaaliya, diyaarinta habraacyada doorashooyinka, raadinta dhaqaalaha dhiman ee ku baxaya doorashooyinka iyo sidii horay loogu socon lahaa dhamaanba hawlaha Doorashooyinka dalka.