Shirka Isku xirka Hey’adaha ka howlgala xuduudaha dalka “SAWIRRO”

Guddoomiyaha Maxkamadda Sare dalka Mudane Baashe Yusuf Axmed ayaa maanta Musdisho ka furey shirka Isku-xirka Howlaha Hay’adaha u xilsaaran maareynta Iridaha dalka (Bar-xuduudeedyada).

Shirkaan oo ay soo qaban-qaabisey Hay’adda Socdaalka iyo Jinsiyadda ayaa waxaa sidoo kale ka soo qeybgaley Wasiiro Dowlaha Amniga Gudaha Mudane Maxamuud Boonow, Xeer Ilaaliyaha Qaranka Dr. Axmed Cali Daahir, Taliyaha Booliiska Soomaaliya S/Gaas Cabdi Xasan iyo Agaasimaha Hay’adda Socdaalka iyo Jinsiyadda.

Shirkaan ayaa xoogga lagu saari doonaa hababka wadashaqeynta iyo iskaashiga ee hay’adaha ka howlgala bar-xuduudeedyada dalka, waxaana laga filanayaa in uu ka soo baxo habraac wadashaqeyn oo ay yeeshaan hay’adaha u xilsaaran maareynta howlaha bar-xuduudeedyada dalka.

 

LEAVE A REPLY

Please enter your comment!
Please enter your name here