Shirka Saxafiyiinta dalalka Carabta iyo dalka Shiinaha oo ka furmay magaalada Beijing

Hoolka shirarka Jaamacadda waxbarashada Ajnebiga ee magaalada Beijing waxaa saaka ka dhacay xafladda furitaanka barnaamijka saxafiyiinta dalalka Carabta iyo dalka Shiinaha kaas oo uu soo agaasimay machadka China-Arab states press oo muddo bil ka badan ka socon doona wadankan.

 

Xafladda waxaa lagu casuumay oo ka soo qeybgalay danjireyaal iyo diplomaasiyiinta dalalka Jaamacada Carabta ee jooga Shinaha, sidoo kale waxaa joogay mas’uuliyiin ka tirsan wasaarada arrimaha dibadda China iyo madaxda jaamacada Beijing foreign studies.

Luo linquan,  oo ku xigeenka madax qeybta diblomaasiyada we jamacada oo xafladda ka hadlay ayaa soo dhoweeyay ka qeybagaliyaash barnaamijka, waxaa uu ku dheeraaday ka hadalka xiriirka ka dhexeeya Shinaha iyo dalalka Jaamacada Carabta.

Waxaa sidoo kale, xusay in u jeedada laga leeyahay in ay tahay isku soo dhoweynta shucuubta labada dhinac iyo sidii loo abuuri xiriir ka balaaran kii horey u jirey, maadaama qalabka warbaahinta uu yahay mid sahlaya gudbinta fariinta saxda ah.

14 saxafi, oo ka kala socda dowladaha Jaamacadda Carabta oo ay Soomaaliya kamid yahay ayaa qeybgalaya barnaamijka sanadkan 2019, waana kuwii ugu horeeyay oo ka qeybgalaya barnaamijka xarunta China-Arab states press.

Xarunta China-Arab states press, ayaa kamid ah xarumaha hoostaga wasaaradda arrimaha dibadda China, kuwaas oo dowladda Shiinaha ugu gol leedahay in ay ku abuurto isdhexgal dhaqan- dhaqaale oo ay la yeelato dalalka jaamacada Carabta.

Barnaamijka tababarka saxafiyiinta, waxaa uu socod doonaa muddo bil iyo bar ah, iyadoo booqashooyin gobolo kala duwan ee dalka shiinaha iyo xarumaha dowliga iyo goobaha kale sida xarumaha ganacsiga.

Saxafiyiinta, waxaa ay booqdeen xarunta wasaaradda arrimaha dibadda China, waxa qaabiley danjiraha Shiinaha ee Jamacada Carabta kaas oo ugu waramay qorshaha dowlada ee ku aadan dalalka Jaamacada Carabta.

Qorshaha ugu weyn ee Shiinaha ayaa ah hirgelinta waddada xariirta waxaana ilaa hadda ay heshiis arrintaas ku aadan la galeen 16 dowladood oo ururkaas ku jira.

 

LEAVE A REPLY

Please enter your comment!
Please enter your name here