Shirkadda Hormuud oo $15,000 ugu deeqday canug xanuunsan-Sawirro

1917

Maxamuud Yaxye Maxamuud waa inan yar oo halsano iyo bar jir ah waxaa uu ku xanuunsanayaa mid ka mid ah isbitaalada magaalada Muqdisho,Maxamuud waxaa cudurka haya oo sababay in Sanka oo ka mid ah xubnaha muhiimka ah ee Aadana uu ka gooyo sidoo kalena uu indhahiisa ay Qatar ku jiraan sida dhakhaatiirtu ay sheegayaan wiilkaa yar 25 bari ayuu xanuunkani la jiifaa waalidiintasana waxaa ay noo sheegeen in lagu wargaliyay in dalka aan waxba looga qaban karin oo uu u baahan yahay isbitaal dibada ah.
Shirkada isgaarsiinta Hormuud Telecom oo noqotay hay’adii ugu horeysay oo ka jawaabta baahida uu qabo Maxamuud ayaa waxaa ay maanta gaarsiisay lacag dhan $15,000 (Shan iyo toban kun oo doollar) wiilkaa yar ee xanuunsanaya waxaana ay mas’uuliyiinta shirkadu ugu baaqeen bulshada Soomaaliyeed in la garab istaago Maxamuud sidii caafimaad dibada ah uu u heli lahaa.
Gudoomiye ku xigeenka Hormuud Foundation Sheekh Cumar Salaad ayaa waxaa uu ka hadlay kaalmada ay gaarsiiyeen wiilkaa yar waxaana uu ka codsaday cid kasta oo ilaahay wax siiyay in ay ka qayb qaadato badbaadinta canuga xanuunsanaya.
“Waxaan maanta isugu nimid wiilkaan yarka ah ee sabiga ah oo aad arkeysaan xubinihiisii jirka ugu qaalisanaa Sanka iyo Afka iyo xanuun ku dhacay oo markii hore ku bilawday Jadeeco dhakhtar daro iyo dhibaato soo wajahday awgeed ayuu saan la noqday ilaaahaybaa u qadaray allaah subxaanahu wa tacaalaa waxaan weydiisaneynaa in uu caafimaad deg deg ah siiyo “ayuu yiri salaad.
Hooyo dhashay wiilkan xanuunsanaya Faadumo Ibraahim,waxaa ay u mahad celisay cid kasta oo garab istaagtay waxaana ay ka codsatay bulshada Soomaaliyeed in laga caawiyo in wiilkeeda caafimaad dibada ah loo qaado .
“Marka koowaad waxaan u mahad celinayaa daahir oo wiilkaan ku soo booqday isbitaalka oo uu ku jiray 24 bari markay na dheheen carabta canugaan waxba lagama qaban karee guriga geysta canugaana mid guri lagu hayn karo ma ahan marka labaad shirkada Hormuud aan u mahad celinaayaa marka sadaxaad walaalahayga kaalin weyn isiinayaan u mahad celinaayaa”ayay tiri Faadumo.

111 222 444 555

W/D: Axmed Cali Kaahiye

Did you like this? Share it:

LEAVE A REPLY

Please enter your comment!
Please enter your name here