Shirkii Guddoonka Baarlamaanka Iyo Hay’adaha Deeq Bixiyeyaasha uga socday Kampala oo soo gebageboobay “SAWIRRO”

1485

Shirkii Guddoonka Baarlamaanka Federaalka Soomaaliya iyo Hay’adaha deeq bixiyeyaasha ah ee taageera Baarlamaanka uga soconayey magaalada Kampala ee caasimadda dalka Uganda ayaa lasoo gebagebeeyey ayadoo shirkanna looga hadlayey dhameystirka howlaha Baarlamaanka u harsan inta laga gaarayo sanadka 2016ka.

Shirkan oo ka socday magaalada Kampala mudo seddex cisho ah ayaa waxaa Gudoomiyaha Baarlamaanka Mudane Maxamed Sheekh Cusmaan Jawaari,Gudoomiye ku xigeenka Koobaad Mudane Jeeylaani Nnur Iikar iyo Gudoomiye ku xigeenka Labaad ee Baarlamaanka Mudane Mahad Cabdalla Cawad ay wadajir ugu soo bandhigeen hay’adaha taageerra Baarlamaanka Soomaaliya shaqooyinka muhiimka u ee Baarlamaanka u harsan in uu qabto kuwaasi oo lagama maarmaan u ah hiigsiga 2016ka.

Guddoonka Baarlamaanka Federaalka Soomaaliya iyo Hay’adaha deeq bixiyeyaasha ah ee taageerra Baarlamaanka ayaa si wadajir ah isula meel dhigay howlaha la qabanayo iyo taageerrada ay hay’adaha ku yeelan karaan hirgelinta shaqooyinkaas sida dhameystirka sharciyada muhiimka u ah hiigsiga 2016ka sida dhameystirka dib u eegista Dastuurka Dalka,sameynta sharciga nidaamka axsaabta iyo hirgelintiisa,hirgelinta nidaamka federaalka iyo wacyigelinta dadweynha ayadoo la adeegsanayo Warbaahinta.

Shirkan lagu soo gebagebeeyey magaalada Kampala ee caasimadda dalka Uganda ayaa ahaa shirkii seddexaad ee ay yeeshaan Guddoonka iyo hay’adaha Baarlamaanka taageerra waxaana qodobbada shirkan looga hadlay ay muhiim guud ahaanba u yihiin Kalfadhiyada u harsan Baarlamaanka Federaalka Soomaaliya oo ah hay’adda sharci dejineed ee Dalka ayadoo Kalfadhiyadaasina uu ugu horeeyo Kalfadhiga 6-aad oo dhowaan si rasmi ah u furmi doona.

DSC_5114

DSC_5115

DSC_5120

DSC_5123

DSC_5126

DSC_5131

DSC_5139
W/D:Jeyte

Did you like this? Share it:

LEAVE A REPLY

Please enter your comment!
Please enter your name here