Shirkii Madasha wadatashiga Qaran oo maanta si rasmi ah uga furmay Kismaayo  “Sawirro”

1681

Magaalada Kismaayo  ayaa maanta waxaa si rasmi ah ugu furmay shirka Madasha wadatashiga Qaran ee looga arrinsanayo nooca ay noqoneyso doorashada la filayo in dalkeena Hooyo ay ka dhacdo 2016-ka, iyadoo ay ka qeyb galeen qeybaha kale duwan ee bulshada magaaladaasi.

madasha shirkani uu ka dhacayo ayaa waxaa goob joog ka ahaa wasiirka dastuurka dowladda Soomaaliya, xildhibaanno ka socday dowladda, madax ka tirsan Jubbaland iyo qeybaha kala duwan ee bulshada reer Kismaayo, sida dhalinyarada, haweenka, odoyaasha dhaqanka iyo culumaa’udiinka.
Madaxweeyne ku xigeenka 2-aad ee Maamulka Jubbaland Suldaan C/qaadir Xaaji Maxamuud oo shirkaasi ka hadlay ayaa ka hadlay muhiimada ay leedahay in dadka ay ka tashtaan aayahooda islamarkaana ay talo ay ku darsadaan shirkani kuwaa oo noqon doono go’aamada looga tashanayo masiirka Umadda Soomaaliyeed.

Wasiirka dastuurka dowladda Soomaaliya Xuseen Maxamuud Sheekh Xuseen oo isna khudbad dheer ka jeediyay goobta ayaa sheegay in la doonayo in bulshada Soomaaliyeed ay ra’yigooda ka dhiibtaan sida ay u dhici doonto doorashada maadaama la doonayo in sanadda soo socoto la qabto doorashooyinkii Soomaaliya.

Magaalooyinka waaweyn ee dalka ayaa waxaa ka furmay shirarka noocaan oo kale ah oo lagu go’aamiyay shirkii ugu dambeeyay ee lagu qabtay magaalada Muqdisho ee madasha wadatashiga Qaran oo ay ka qeyb galaan madaxda dalka.

Dastuurka KMG ee dalka ayaa dhigaya in Dowladda Federaalka ee Soomaaliya iyo Baarlamanka Federaalka muddadooda afarta sanno ay ku eg tahay bilaha August iyo September ee sanandka 2016-ka xiligaasi oo la qabanayo doorasho ka dhacda dalka.

20151116635832653856058060DSC_0431 20151116635832655970679863DSC_0445 20151116635832656342493152DSC_0455 20151116635832656471747740DSC_0464 20151116635832656597226323DSC_0475 20151116635832656737871695DSC_0486 20151116635832657070204817DSC_0504 20151116635832657264172267DSC_0558 20151116635832657919618846DSC_0572 20151116635832658147493506DSC_0577 20151116635832658372548026DSC_0585 20151116635832658492778844DSC_0587

Did you like this? Share it:

LEAVE A REPLY

Please enter your comment!
Please enter your name here