Shirweynaha Caalamiga ah ee Cimilada oo ka furmay Paris

0
961

Maanta oo Isniin ah waxaa magaalada Paris ee xarunta France laga furay shirweynaha caalamiga ah ee looga hadlayo cimilada Adduunka iyo dhibaatada Warshadaha u geystaan bay’ada.

Shirweynahan waxaa ka qeyb galaya 140 hogaamiyaasha dalalka Warshadahaleh iyo dalalka kale ee saameyn weyn ku yeelatay cimilada isbedaleysa ee Adduunka. Shirkan ayaa socon doona labada asbuuc ee soo socda, waxaana ka qeyb galaya ergo gaaraysa 10.000.

Shirkan ayaa diiradda lagu saarayaa in Beesha Caalamka ay ku heshiiso shuruuc cusub oo lagu xakameenayo wasakhda Warshadaha u geystaan bay’ada ee saameynta ku yeelatay cimilada.

Wadamada qaar ee aaminsan in heerka biyaha bada ee sare usii kaceysa ay burbur ku keeni doonto wadamadooda ayaa lagu wadaa in shirkan ay warbixino kusoo bandhigaan, sidoo kale wadamada horumaray ee Warshadahaleh kuwaasi oo geysta dhibaatada ugu weyn ee bay’ada ayaa soo bandhigi doona qorshahooda ay ku xakameenayaan warshadahooda.

Marar badan oo horey la isgu dayey in heshiis laga gaaro arrimahan ayaa lagu guuleysan waayey kadib markii dalalka ugu warshadaha badan sida Maraykanka uu ka baxay heshiisyadii horey loo gaaray.

Khubarada dhanka cimilada iyo cilmi-baarayaasha caalamiga ah ayaa ku sheegay in shirka sanadkan uu yahay fursadii ugu danbeysay ee wax looga qaban karo dhibaatadan.

Did you like this? Share it:

LEAVE A REPLY

Please enter your comment!
Please enter your name here