Sida looga hortagi karo dhibaatada uu Qaadka ku hayo bulshada oo laga hadlay

0
3514

Siminaarkani oo lagu baranayo casharo la xiriira dhibaatooyinka Qaadka ee dhinacyada caafimaadka iyo dhaqaalaha uu u leeyahay bulshada ayaa magaalad Muqdisho uga furmay ardayda dhigata JaamacadDa Banaadir, ayadoo munaasabadda furitaanka ay ka qeyb galeen Xildhibaan Csimaan Maxamuud Dufle, Maamulka iyo Maclimiinta Jaamacadaasi.

Siminaarkani oo hal maalin ahaa ayaa intii uu socday si weyn looga hadlay dhibaatooyinka bulshada Soomaaliyeed uu ku hayo Qaadka iyo ahmiyada ay leedahay in bulshada laga wacyigeliyo arintaasi.

Abuukar Cawaale Qaadiid oo u ololeeya joojinta Qaadka oo ka qeyb galay siminaarkani ayaa sheegey in min dowlad ilaa shacabka la iska kaashado ka hortaga dhibaatada uu qaadku ku hayo bulshada Soomaaliyeed.

“Waa gumeysi casri ah oo maskaxda  Soomaalida lagu kontroolo, maalkoodana lagu gurto, waxaan soo marey Hargeysa, Buuhoodle, Gaalkacyo,J ariiban, Boosaaso, Galmudug iyo meelo badan runtii dhibku waa dhib aad aad u fiday, waxaa loo baahanyahay in talaabo la qaado, aad baan ugu faraxsanahay Xildhibaankeena in uu caawa nala joogo, wana waajib muqadas ah oo saaran mas’uuliyiinta Soomaaliyeed in ay talaabo ka qaadaan”

Sidoo kale Guddoomiyaha Jaamacadda Benaadir Dr C/risaaq Axmed Dalmar ayaa sharaxay sida ugu fudud oo bulshada looga wacyi gelin karo arintaasi.

“Labo qodob oo ma aragtay loo baahanyahay in la qaado qodobna waxay tahay in la wacyi geliyo, Awareness loo sameeyo, ma aragtay tuulooyinka loogu tago oo dhallinyarada laga wacyigeliyo, taa ayada ahna Jaamacadda Banaadir way u qalabaysan tahay, diyaar ayaana u nahay” ayuu yiri Guddoomiyaha Jaamacadda.

Xildhibaan Cismaan Maxamuud Dufle oo ah guddoomiyaha guddiga arrimaha bulshada ee Baarlamanka Soomaaliya ayaa balanqaaday in doorkiisa uu ka qaadanayo wacyigelinta bulshada.

“Waxaan balan qaadaya in arrintaasi culeyska la saaro, Abuukar ayaa ka hadlay culayska ay leedahay iyo muhiimada buslahada Soomalaiyeed ay u leedahay sidii muqaadaraankana loo hakin lahaa, in doorkeeyga aan ka qaato bi’idinilaati tacaalaa oo arintaas aan socod siino abuukarna aan u fududeyno howlahaasi sidii uu  ku gudan lahaay, ayaan diyaar u ahay” ayuu yiri Dr Dufle.

Isticmaalka maandooriyaha Qaadka ayaa ah mid dhibaatooyiin ku hayo dhaqaalaha iyo caafimaadka bulshada Soomaaliyeed, ayadoo 20-kii sano ee la soo dhaafay ee uu burbur sanaana dalka uu batay isticmaalkiisa.

Did you like this? Share it:

LEAVE A REPLY

Please enter your comment!
Please enter your name here