Sii Hayaha Ra’isul wasaaraha Dalka oo Khudbad ka jeediyay kulanka 75-Aad ee QM

Ku simaha Ra’isulwasaarha dalka Mudane Mahdi Maxamed Guukeed oo qudbad ka jeediyay shirka ayaa u hambalyeeyay xubnaha qaramada midoobe guusha wadajirka ah ee la gaaray in ay jirtay waxaana u si gaar ah ugu hambalyeeyay Maaxweyne ku xigeenka golaha loo dhan yahay ee qaramada mdioobay Danjire Abuukar Cismaan Baale oo shir gudoominaya kulankaan.

“Mudane Madaxweyne iyo Mudanyaal ugu horeyn axaan doonayaa in aan kuugu hambalyeeyo xilka laguu doortay oo ah mid aad u qalanto, waxaan u hambalyeynayaa dhamaan xubnaha qaramada midoobe sanad guurada 75aad ee qaramada midoobay guulaha aan gaarnay, tan iyo markii la sameeyay cahdiga qaramada midoobay badi wadamada  ku jira waxay ku naaloonayeen xoriyad  iyo horumar”

Ku simaha Ra’isulwasaaraha ayaa sheegay in Soomaaliya horumar sameynayso iyada oo gacan ka helaysa caalamka

“Soomaaliya waxay horumar ka sameysay nabada iyo amniga iyada oo taageeo ka helysa qaramada midoobe, balse  30 sano oo khilaaf iyo deganaan la’aan siyaasadees ah kadib wali SOomaaliya waxay u baahan tahay in la garab istaago”

Madaxweyne ku xigeenka golaha guud ee kal-fadhiga 75-aad ee Qaramada Midoobay, ahna danjiraha Soomaaliya u qaabilsan Qaramada Midoobay danjire Abuukar Cusmaan (Abuukar Balle) ayaa la wareegay shir guddoonka fadhiga 75-aad ee golaha loo dhanyahay, kaas oo sanadkan madaxda caalamku badankood ay kaga qaybgalayaan Online-ka.

Shirka oo sanad kasta la qabto bisha September ayaa waxaa sanadkan xoogga lagu saaray saamaynta uu cudurka Corona ku yeeshay bini’aadamka oo dhan, tallaabooyinka ay dawladuhu u qaadeen la dagaalankiisa iyo dhibaatooyinka dhaqaale ee ka dhashay.

 

LEAVE A REPLY

Please enter your comment!
Please enter your name here