Sii-hayaha Wasiirka Arrimaha dibada oo maanta ka sagootiyay shaqaale Wasaaradaasi ka tirsan oo Turkiga u aaday Siminaar

1083

Sii-hayaha Wasiirka Wasaarad Arrimaha dibada mudane C/raxmaan Ducaale Beyle ayaa maanta garoonka diyaaradaha Aadan Cabdulle Cismaan (Aadan Cadde)  ku sii sagootiyay qaar kamid ah shaqaalaha Wasarada arimaha dibada iyo maalgashiga caalamiga kuwaasi oo 10 ka mid ah dalka Turkiya loo qaaday  halkaasi oo ay ku soo qaadan doonaan tababar la xirira sare u qaadida heerka aqoontada gaar ahaan dhameystirka mashruucii isku xirka shaqada safaradaha Soomaaliya ay ku leedahay dalalka  caalamka.

Sii-hayaha Wasiirka Wasaarad Arrimaha dibada mudane C/raxmaan Ducaale Beyle oo warbaahinta qaranka la hadlay ayaa sheegay in shaqaalahan ay wax badan ku soo kororsan karaan dalka Turkiga inta ay joogaan isla markaana Wasaaradda Arrimaha dibadda Soomaaliya ay meel wanaagsan u marayso mashruuca isku xirka dhanka isgaarsiinta ee Safaaradaha Soomaaliya ee ku yaala Wadamada aduunka oo dhan.

Shaqaalaha Wasaarada Arrimaha dibada ee maanta ka ambabaxay magaalada Muqdisho kuna sii jeeda dalka Turkiga ayaa waxaa ay qeyb ka tahay dhameystirka mashruuca dowladda Soomaaliya ay ka caawinayso dalka Turkiga kaas oo dulucdiisu ay tahay in safaaradaha Soomaaliya oo dalalka Caalamka ku yaala ay yeeshaan xiriir dhanka isgaarsiinta ah si ay u sahlanaato is dhaafsiga xogaha safaaradaha Soomaaliya.

 

Did you like this? Share it:

LEAVE A REPLY

Please enter your comment!
Please enter your name here