Sii Hayaha Wasiirka Cadaaladda Oo Dhagax Dhigay Dib U Dayactirka Dhismaha Wasaaradda “SAWIRRO”

Sii hayaha Wasiirka Cadaalladda dalka Abuukaate Xasan Xuseen Xaaji iyo sii hayaha Wasiir ku-xigeenka Awqaafta iyo Diinta ee Xukuumadda Federaalka Soomaaliya mudane Cismaan Aadan Dhuuboow ayaa si wadajir ah u dhagax dhigay dib u dayactirka dhismaha xarunta Wasaaradaha cadaalladda iyo Awqaafta, kaasi oo bur bur xoogan uu ka muuqdo

Mashruucaan ayaa lasoo marsiiiyay hanaanka qandaraasyada dalka oo ay Wasaaradda Maaliyadda Dalka hormuud u tahay, waxaana ku guuleystay shirkad Soomaaliyeed, iyagoo la filayo in lagu soo gabagabeeyo muddo ku siman 3-bil, waxaana dhismaha uu ka koobanayahay labada Wasaaradood ee Cadaalladda iyo Awqaafta sida uu ku dhawaaqay sii hayaha Wasiirka Cadaalladda dalka Abuukaate Xasan Xuseen Xaaji.

Sii hayaha Wasiir ku-xigeenka Wasaaradda Awqaafta iyo Diinta ee Xukuumadda Federaalka Soomaaliya mudane Cismaan Aadaan Dhuuboow ayaa sheegay in dhismahaan uusan sanado badan helin dayactir, hase ahaatee dowladda Soomaaliyeed ay ka go’antahay dib dhiska xarumaha dowladda si loo soo celiyo maqaamkeedii hore.

Dhismayaan xarumaha Wasaraddaha cadaallada iyo Awqaafta ayaa qayb ka ah ololaha dib loogu dhisayo xarumaha dowladda si kor loogu qaado adeegyda loogu qabto bulshada Soomaaliyeed.

LEAVE A REPLY

Please enter your comment!
Please enter your name here