Sii-hayaha Wasiirka Tamarta XFS oo kulan la qaatay Wakiil ka socda Ganacsatada dalka Qatar “Sawirro”

Iyaddoo laga duulayo Heshiisyadii dhawaan ay wada galeen Dawladaha Somalia iyo Qatar ee ku aadanaa Maalgashiga dalka ayaa maanta Wakiil ka socday Ganacsatada Reer Qatar waxa uu magaaladda Muqdisho kula kulmay Sii-hayaha Xilka Wasiirka Tamarta iyo Kheyraadka Biyaha Mudane Cismaan Libaax Ibraahim, iyaggoo kawada hadlay maalgashiga Tamarta.

Ganacsade C/Casiis Al-duleybi oo wakiil ka ah Ganacsatada iyo Dawladda Qatar ayaa sheegay inay aad u daneynayaan Maagashiga Soomaaliya , islamarkaana isagga uu si gaar ah u doonayo maalgashiga Tamarta, maadaama uu madax ka yahay Shirkad arrimahaasi ka shaqeysa.

Kulankaan ayaa intii uu socday labada dhinac waxay Is-dhaafsadeen arrimaha ku qotoma maalgashiga Tamarta Soomaaliya oo intiisa badan ay tahay mid Dahan, una baahan Hal-abuur dhaqaale.

Mudane Cismaan Libaax ayaa sheegay in ay isku af garteen in dhowaan ay wada saxiixdaan is af-garad ku aadan maalgashiga Tamarta Soomaaliya kaas oo sahlaya maalgashiga shisheeye.

Wasiirka waxa kale, oo uu xusay in meel wanaagsan marayo sharciga maalgashiga Tamarta dalka kaas oo wasaaraddu gacanta ku heyso isla markaana ku jira wada tashi marka uu soo dhamaadana la hor geyn doono baarlamaanka Soomaaliya.

Sii-hayaha Xilka Wasiirka Tamarta iyo Kheyraadka Biyaha Mudane Cismaan Libaax Ibraahim oo kulanka kadib la hadlay Warbaahinta Qaranka ayaa sheegay in ay soo dhaweynayaan cid kasta oo dooneyso in maalgashi ay ku sameeyaan Biyaha iyo Tamarta dalka, si loo horumariyo.

 

LEAVE A REPLY

Please enter your comment!
Please enter your name here