DAAWO-Siihayaha Wasiirka Difaaca ee Soomaaliya oo qaabilay Taliyaha Ciidanka Burundi

0
1602

Siihayaha Wasiirka Gaashaandhigga Soomaaliya iyo Taliyaha Ciidanka Xooga Dalka Soomaaliyeed ayaa waxaa ay kulamo la qaateen Taliyaha Ciidanka Milatariga Wadanka Burundi oo soo gaaray magaalada Muqdisho, iyagoo ka wada hadlay arrimo la xiriira Ciidamada labada Dalka iyo sidii loo xoojin lahaa la dagaallanka argagixisada.

Taliyaha Ciidamada Dalka Burundi ayaa markii uu soo gaaray xarunta Wasaaradda Gaashaandhigga ku soo dhaweeyay ciidamada xoogga dalka Soomaaliyeed gaar ahaan ciidamada bambeyda oo si wanaagsan soo dhaweyn balaaran u muujiyay, iyadoo kulan ay isku xog wareysanayeen Taliyaha Ciidanka Xoogga dalka iyo dhigiisa dalka Burundi ay wada qaateen, kaasi oo ay kaga wada hadlay arrimo kale duwan oo la xiriira dar dar galinta xoreynta dalka, waxaana goob joog ka ahaa kulankaasi saraakiisha ciidanka xoogga dalka Soomaaliyeed.

Taliyaha Ciidanka Xoogga dalka Soomaaliyeed Sareeyo Guuto Daahir Aadan Cilmi Indho-qarshe oo lahadlay Warbaahinta ayaa sheegay in dhigiisa dalka Burundi ay isla garteen sidii loo dar dar gelin lahaa la dagaallanka argagixisada Shabaab, isla markaana dalka oo dhan looga sifeyn lahaa.

Intaasi kaddib Sii hayaha Wasiirka Gaashaandhigga Soomaaliya mudane Maxamed Sheekh Xasan Xaamud ayaa xafiiskiisa ku qaabilay taliyaha Ciidamada Milatariga Dalka Burundi Major Gen. Prime Niyongabo oo booqasho rasmi ah ku jooga Muqdisho, iyadoo Wasiirka uu ku ammaanay Dowladda Burundi sida ay u garab taagan yihiin shacabka Soomaaliyeed, waxaana si gaar ah uu ku ammaanay ciidamada Burundi sida ay ugu qeyb qaateen xoreynta dalka.

Major Gen. Prime Niyongabo Taliyaha ciidamada Burundi ee kulamada la qaatay mas’uuliyiintaasi ayaa lagu xusuustaa sida uu kaga qeyb qaatay xoreynta qeybo ka mid ah dalka isagoo ahaa Taliyihii ciidamada Burundi ee jooga Soomaaliya, ee qeybta ka ah ciidanka AMISOM, waxaana si gaar ah uu u gogaaminayay ciidamada AMISOM ee hantiyay xarunta Wasaaradda Gaashaandhiga ee Degmada Deyniie.

Did you like this? Share it:

LEAVE A REPLY

Please enter your comment!
Please enter your name here