Siminaar Ku Saabsanaa Hirgalinta Nidaamka Federaalka Ah Oo Loo Soo Xiray Shaqaala Ka Tirsan Wasaaradda Arrimaha Gudaha

0
983

Qaar ka mid ah shaqaalaha Wasaaradda Arrimaha gudaha iyo Federaalka Soomaaliya ayaa maanta loo soo gabo gabeeyay siminaar ku saabsanaa hirgelinta Nidaamka federaalka iyo arrimaha dib u heshiisiinta oo ay iska kaashadeen Wasaaradda Arrimaha gudaha, hay’adaha UNDP iyo UNSOM.

Siminaarka oo socday muddo labo ciso ah ayna ka qeyb galeen 32 shaqaale oo ka tirsan waaxda federaalka ee Wasaaradda Arrimaha gudaha ayaa waxaa lagu baranayay hirgelinta nidaamka Federaalka ah, dib u heshiisiinta iyo wada hadal Qaran, kaasi oo lagu qabtay Muqdisho.

Ku-xigeenka Agaasimaa guud ee barnaamijka horumarinta ee hay’adda UNDP David Akopyan ayaa sheegay in uu aad ugu faraxsanyahay ka qeyb galka xiritaanka siminaarkani, isagoo sheegay inay diyaar u yihiin sidii ay dowladda gacan uga siin lahaayeen hirgelinta nidaamka federaalka ah.

Agaasimaha xiriirka ee Wasaaradda Arrimaha gudaha iyo Federaalka Cabdifataax Cali Xasan ayaa sheegay in waxbadan laga faa’iiday siminarka, ayna joogteyn doonaan sidii siminaarada noocaan oo kale ah loogu qaban lahaa shaqaalaha waaxyaha kale duwan ee Wasaaradda.

Qaar ka mid ah dadkii ka faa’iiday siminaarka ayaa daboolka ka qaaday inay ku dadaalayaan sidii ay u dhaqangelin lahaayeen waxyaabihii ay ka faa’iideen siminaarka.

Ugu dambeyntii Afhayeenka Wasaaradda Arrimaha gudaha C/fataax Daahir Mire ayaa sheegay in siminaarkani uu yahay wejigii koowaad ee lagu baranayay federaalka iyo dib u heshiisiinta, islamarkaana wajiga labaad la qaban doono 14-ka bisha April.

Siminaarka ayaa laga soo saaray qorshe howleed ku saabsan sidii lixda bil ee soo socota loo sameyn lahaa dhameystirka iyo dhismaha dowlad goboleedyada dalka.

Did you like this? Share it:

LEAVE A REPLY

Please enter your comment!
Please enter your name here