Siminaar ku saasan badqabka saxafiga oo Warfaafinta lagu soo gabo gabeeyay  “SAWIRRO”

0
1312

Siminaarkan oo socday muddo saddex cisho ah ayna soo qaban qaabisay Waaxda tabbabarda iyo shaqalaha ee Wasaaradda Warfaafinta, isla markaana ay bixinayeen quburo ka tirsan Hayadaha Caalamiga ee taageera Suxufiyiinta ee kala ah I.M.S & FOJO, waxaana ka qeybgalayaashu ay ku barteen badqabka saxafiga ah.

Xiritaanka siminaarka ayaa waxaa ka qeyb galay Agasimaha Telefishinka Qaranka, Agaasimaha Waaxda shaqaalaha iyo tababbarada, xiriiriyaha guud ee IMS iyo FOJO iyo xubno kale.

Cali C/qaadir Cali (Cali Meykal) Madaxa Wararka ee Telefishinka Qaranka oo ku hadlayay magaca ka qeyb galayaasha siminaarka ayaa waxa uu sheegay in siminaarka laga kororsaday aqoon badan, laguna dabaqi doono howlaha shaqo ee ay bulshada u hayaan.

Agaasimaha Telefishinka Qaranka Soomaaliyeed C/naasir Xuseen Xasan ayaa sheegay in tababbarka uu wax badan ku soo kordhin doono howlaha suxufiyiinta Warbaahinta Qaranka ay u hayaan bulshada, isagoo hay’adda bixineysay tababbarka ka socday inay joogteeyaan siminaarada nuucaani oo kale ah.

Abuukar Albadri xiriiriyaha guud ee Hayadaha Caalamiga ee taageera Suxufiyiinta IMS iyo FOJO ayaa sheegay in dhankooda ay markale ka soo jawaabayaan codsiyada ku aadan in la joogteeyo siminaarada nuucaani oo kale ah.

Agaasimaha Waaxda Shaqaalaha iyo Tababbarada ee Wasaaradda Warfaafinta, dhaqanka iyo dalxiiska ee Xukuumadda Soomaaliya Cabdirixiin Ciise Caddow ayaa sheegay in siminaarkan oo socday muddo saddex cisho ah laga kororsaday waxbadan, isagoo uga mahadceliyay macalimiinta iyo hay’adda siminaarka bixineysay.

Ugu dambeyn ka qeyb galayaasha siminaarka ayaa la guddoonsiiyay shahadaooyin ka turjumaya waxyaabaha ay ku qaateen siminaarka.

IMG_0659 IMG_0662 IMG_0669 IMG_0704 IMG_0712 IMG_0718 IMG_0719 IMG_0720 IMG_0723 IMG_0725 IMG_0727 IMG_0729 IMG_0735 IMG_0745 IMG_0749 IMG_0756 IMG_0757 IMG_0758 IMG_0763 IMG_0793 IMG_0805 IMG_0808  IMG_0837 IMG_0852 IMG_0876 IMG_0887

Sawir Qaade:- Farxaan Suleymaan Daahir 

Did you like this? Share it:

LEAVE A REPLY

Please enter your comment!
Please enter your name here