Siminaar lagu baranayo Jinsiga oo agaasimeyaal warbaahineed uga furmay Kampala

Maamuleyaasha soddon warbaahin oo ku taalla dalka Soomaaliya ayaa tababar ku saabsan isu-dheelitirka jinsiga (gender) looga furay magaalada Kampala ee dalka Uganda.

Hay’adda UNDP ayaa fulinaysa tababarkaan oo lagu baran doono sida haweenka fursad fiican looga siin karo warbaahinta iyo sida loo dhiiri galin karo xilliga ay shaqada ku jiraan.

Agaasimaha Radio Muqdisho Cabdiraxim Ciise Caddow ayaa sheegay in tababarkaan oo shalay furmay uu socon doono muddo afar maalin ah, ayadoo ay ka qeyb galayaan maamuleyaal xarumo warbaahineed oo ku yaalla Koofurta, bartamaha, bariga iyo woqooyiga waddanka Soomaaliya.

Hay’adaha Qaramada Midoobay iyo xafiiska AMISOM u qaabilsan jinsiga ayaa muddooyinkii la soo dhaafay bixinayay tababarro noocaan oo kale ah oo warbaahinta lagu barayo qaabka ay u tabin karaan warbixinno ku saabsan horumarinta haweenka iyo sidii loo horumarin lahaa xirfaddooda.

LEAVE A REPLY

Please enter your comment!
Please enter your name here