Siminaar loo furay qaar ka tirsan shaqaalaha Wasaaradaha Maamulka K/galbeed ee dalka

871

Siminaarka oo maanta si rasmi ah uga furmay xaruunta Madaxtooyada Koonfur galbeed ee Soomaaliya  ee magaalada Baydhabo ayaa waxaa ka qeybgalay Madaxweynaha Koonfur Galbeed  mudane Shariif Xasan Sheekh aadan, Wasiiru-dawlaha  xafiisk Ra’iisul wasaaraha Soomaaliya Mudane Burci  Maxamed Xamza, mas’uuliyiin ka kala socotay hay’adda Qaramada Midoobay u qaabilsan cunada iyo beeraha ee marka magacooda la soo gaabiyo loo yaqaan FAO, xafiiska siyaasadda UNSOM iyo waliba qaar ka mid ah golaha Wasiirada maamulkaasi

Siminaarka oo si wadajir ah ay u qabteen dawladda Fadaraalka ee Soomaaliya  iyo maamulka Koonfurgalbeed ee Soomaaliya  ayaa u jeedkiisu yahay sida ugu haboon ee loo badbaadin karo duur joogta dhirta iyo waliba deegaanka oo dhowr iyo labaatinkii sano aynu soo dhaafnay aan helin wax daryeel ah, waxaana inta uu socoda tababarka ka qeybgali doona shaqaalaha Wasaaradaha  beeraha, Kalluumeysiga, dalxiiska, duurjoogta, macdanta iyo Wasaaradda Bii’ada ee maamulka Koonfur Galbeed.

Wasiiru-dawlaha xafiiska Ra’iisulwasaaraha Xukuumadda Soomaaliya mudane Burci  Maxamed Xamza ayaa  warfidiyeenka usheegay in dawlada federaalka mashruuckasta oo ay fulinayso ay la kaashan doonta maamul gobaleedyada ka jira dalka  ayna noqon doonin kuwa gobalo kooban lagu qabto.

“Anaga hadaanahay dowladda federaalka waxaa naga go’an mashruuc kasta oo aan helno in aan la kaashano dawlad gobaleedyad ka jira gayiga Soomaaliya, mashaaricdaani ma noqon doonto mid aan ka fulinayno gobalo kooban, hada hadaan ka tagno Baydhabo waxaan u socona Gobalada Dhexe si aan mid kan la mid ah aan uga qabano” ayuu yiri Mudane Burci.

Madahaweynaha maamulka Koonfur galbeed ee Soomaaliya Mudane Shariif Xasan Sheekh Aadan ayaa  uga mahad celiyey dowlada federaalka Soomaaliya  iyo hay’adda FAO dadaalka dheer oo ay uga jiraan sidii loo ilaalin lahaa duur joogta dhirta iyo deegaanka.

“Waan uga mahad celinaynaa dawlada federaalka iyo hay’adda FAO sida ay uga go’an tahay in la badbaadiyo dhirta, duurjoogta iyo deegaanka waayo Soomaaliya waxay lahaan jirtay duur joog aad u badan laakiin  daryeel la’aan ayaa uga barakaceen Soomaaliya marka in la soo celiyo duur joogtii waa laga maarmaan  sidoo kale in laxanaaneeyo dhirtuna waa mid aad looga baahnaa marka hadii aan, nahay Koonfur Galbeed waa ka faa’ideysan doona  mashruucan.” Ayuu yiri Madaxweynaha Maamulka Koonfur galbeed.

Did you like this? Share it:

LEAVE A REPLY

Please enter your comment!
Please enter your name here