Soomaalida ku nool Magaalada Tromso ee Norwey oo si weyn u Ciiday-SAWIRRO

1967

Iyadoo maanta ay tahay Maalintii ugu horreysay ee Ciidul Adhxa ayaa waxaa Muslimiinta ku nool Magaalada Tromsø oo ay Soomaalida qeyb ka tahay waxa ay ku dukudeen Salaaddii Ciidda gudaha Tromso Hallen ee Magaalada Tromsø waxaana isugu yimid hoolkaas boqolaal muslimiin ah oo ku kala nool gudaha iyo daafaha magaalada.

Soomaalida ku nool magaalada Tromsø iyo ajaaniibta kale ee islaamka ah ayaa la arkayay iyagoo isugu marxabeynaya maalintaan aadka u qiimaha badan ee loogu debaaldegayo munaasabadda Ciidda waxaana sidoo kale isu soo baxay dhammaan Odeyaasha,Waxgaradka,Dhallinyarada,Haweenka iyo Caruurta ku nool magaalada Tromsø oo si weyn looga dareemayay farxadda Ciidda.

Qeybaha kala duwan ee Bulshada ayaa farxaddooda la wadaagay dhammaan Ummadda Islaamka ee ku nool daafaha adduunka iyagoo ka dalbday qof kasta oo muslim ah inuu gargaaro walaalahooda aan awoodin inay ka farxiyaan caruurtooda.

Culumaa’udiinka Magaalada Tromsø ayaa iyaguna soo bandhigay Muxaadarooyin diini ah oo ku saabsan ahmiyadda ay leedahay Munaasabadda ceynkaan oo kale ee Ciidda , iyagoo ugu baaqay Ummadda Soomaaliyeed inay is cafiyaan oo ay u duceeyaan dalkooda si uu u noqdo wadan xasilloon oo ka gudba marxaladaha aan wanaagsaneyn.

DSC01412 DSC01444 DSC01462 DSC01473 DSC01484 DSC01489 DSC01511 DSC01529 DSC01537 DSC01544

Did you like this? Share it:

LEAVE A REPLY

Please enter your comment!
Please enter your name here