Soomaalida Tromsø oo lacag dhan $8,584 u dirtay dadkii ay saameeyeen fatahaada webiga ee ku nool Beledweyne

Soomaalida ku nool Magaalada Tromsø ee Woqooyiga Norway ayaa lacag dhan 82,500NOK oo u dhiganta $8,584 Us  Dollar ku wareejiyey Guddiga Culumada ee gacanta ku haya Madjidka Nuur Al-Aqsa ee Magaalada Beledweyne si loogu gurmado dadka soomaaliyeed ee ay waxyeelladu kasoo gaartay Fatahaaddii uu dhawaan sameeyey webiga Shabeelle.
Gurmadkaas  lacageed oo laga soo uruuriyey dadka Soomaaliyeed ee ku nool Magaalada Tromsø ayaa loogu talogalay in lagu saacido dadka ay dhibaatadu saameysay ee ku nool xaafadaha Magaalada Beledweyne.
Guddiga  Gurmadka ee Fatahaadaha ugu xilsaaran soomaalida  Magaalada Tromsø oo kaashanaya guddiga Masaajidka Al-Raxma ayaa si  wadajir ah u go’aansaday  in lacagtaas ka timid soomaalida Tromsø lagu wareejiyo Guddi  culimo ah  oo ku sugan Magaalada Beledweyne kuwaasoo  gacanta ku haya Masjidka Nuur Al-aqsa oo ay hormuudka ka yihiin
Sheikh Mahad baryare Nuur, Sheikh abdullahi Farah Xiirey iyo Nuur Omar xaaji.
Gurmadkaas lacageed oo inta badan juhdigeeda iyo uruurinteeda uu gacan ka geystay Maslax cali Cusman oo kamid ah guddiga Gurmadka reer Tromsø ayaa ugu dambeyntii ku wareejinay guddigaas reer Beledweyne oo u badan culuma’udiinka Magaalada si ay ugu qeybiyaan dadka ay masiibadu saameysay oo ay dhibaatada kasoo gaartay fatahaadda webiga .
Dadka reer Tromsø oo badankood ah dadka qeyrka jecel ayaa garab istaag iyo taageero dhaqaale u muujiyey dadka ay musiibadu soo wajahdo ee ku nool gobollada kala duwan ee dalka waxaana lagu xusuustaa gurmadkii ay umuujiyeen dadka soomaaliyeed ee ay saameysay abaartii ka dhacday qeybo badan oo dalka kamid ah.
Guddiga gurmadka reer Tromsø ayaa ku ammaanay dadka reer Tromsø taageerada ay imuujiyeen walaalahood reer Beledweyne oo ay fatahaaduhu saameeyeen waxeyna ku booriyeen soomaalida kale ee ku nool gobollada Norway inay doorkooda qaataan oo ay kaalmeeyaan walaalahooda dhibaatadu gaartay.

LEAVE A REPLY

Please enter your comment!
Please enter your name here