Soomaaliya Oo U Gudubtay Semi Final-ka Cecafa

0
4875

Xulka Qaranka Kubada Cagta Dalkeena Soomaaliya ee da’doou ka hooseysa 17-jirada ayaa waxay guul muhiim ah ka gaaaray dhigooda Kenya tartanka Cecafa ee 17-jirada ayadoo Soomaaliya iyo Kenya ay wadageen min afar dhibcood ka hor inta aysan bilaaban Ciyaarta waxaana ay ahayeen labada dal ee ugu sareeyay Group-ka A.

Soomaaliya ayaa goolka ka heshay Farxaan Duqoow oo lambarka 11-aad u watay dhalinta Soomaaliya waxaana guushan  ay tahay Mid aad muhiim ugu ahayd xulka qaranka 17-jirada waxaana taasi ay ka dhigan tahay in Soomaaliya ay u soo gudubtay wareega xiga ee tartanka ayadoo 7-dhibcood Uruursatay Sadex Kulan oo ay Ciyaartay Soomaaliya.

Soomaaliya ayaa waxaa sadexda kulan ee Tartanka Cecafa waxay ku group noqotay dalalka Itoobiya Burundi iyo dalka Kenya, Kulankii ugu horeyay oo Soomaaliya ay la Ciyaartay dhigooda Itoobiya ayaa waxaa uu ahaa mid ku soo idlaaday 3-1 oo guusha ay ku raacday dalka Itoobiya balse Itoobiya ayaa dhibcihii laga qaaday kadib markii ay ku xad gudbeen sharuucda u taalay tartanka kadib markii garoonka ay soo galiyeen Ciyaartoy ka Weyn 17-sano Sidaasi ayaana Soomaaliya waxaa lagu siiyay sadexdii dhibcood iyo sadex gool, Kulankii xigay ee Group-ka Soomaaliya waxay la ciyaartay dalka marti gelinaya koobka ee Burundi waxaana uu ahaa kulan dhiira gelin loo balan qaaday wiilasha dalkeena waxaana Burundi oo dalkeeda joogtay ay ku fashilantay in goosha wiilasha Soomaaliya ay Soo Taabato waxaana Ciyaartii ay ku soo idlaatay 0-0 haatan Soomaaliya waxay ka adkaatay Kenya sadexda dhibcood ee Soomaaliya ay ka heshay Kenya waxay ka dhigan tahay in Soomaaliya ay ugu sareyso kala horeynta Group-ka waxaana ay  leedahay 7-dhibcood kaalinta kowaad ayeey ugu soo gudubtay qaybaha kale ee ka haray tartanta.

Did you like this? Share it:

LEAVE A REPLY

Please enter your comment!
Please enter your name here