Tababar loo soo xiray baarayaasha saldhigyadda Degmooyinka Galmudug.

Tababarkan oo maanta loo soo xiray dufcadii labaad ee ka kooban Saraakiil, saraakiil xigeeno iyo askar ka tirsan Baarayaasha saldhigyada Booliiska Degmooyinka Galmudug ayaa ku saabsanaa hormarinta baarayaasha iyo ka gungaarida dambiiyada culus, waxaana mudo 10 cisho ah wadajir u qaatey xubno ka tirsan xafiisyada danbi baarista Booliiska dowlad Goboleedyada qaar.

Galmudug oo tababarkan  kala qayb gashey dowlad Goboleedyo ay ka mid tahay Jubbaland oo aalada foggaan araga ay casharada ku siinayeen khubaro ajaanib ah ayaa kaga mahad celisay qabsoomida aqoon kordhintay hey’addaha UNODC iyo INL sida uu hadal xiritaanka tababarkan ka jeediyay ku xusey Taliyaha qaybta baarista dambiyada Gobolka Galgaduud,  Gaashaanle, Xuseen Cumar muumin oo ka mid ahaa saraakiisha kasoo qayb gashey gabangabada tababarkan.

Baarayaasha Booliiska Soomaaliyeed ayaa kaalin firfircoon ku leh ka hortagida iyo ka daba-tagida falal dambiyeedyada, iyagoo howl adag ka haya dhamaanba saldhigyada iyo fadhiyada booliiska.