Tababar loo soo xiray Ciidammo Boolis ah oo ka howl-galaya qeybta guud ee G/Banaadir.

Taliyaha Ciidanka Booliiska Soomaaliyeed General; Cabdi Xasan Maxamed (Xijaar), ayaa tababar u soo xiray Ciidamo ka tirsan Booliiska Gobolka Banaadir.

Ciidamadaan tababar ku qaatay Muqdisho ayaa ka howl-geli doona isla Caasimadda Dalka, iyagoo ka qeyb qaadan doona sugidda amniga.

Taliyaha Ciidanka Booliiska Soomaaliyeed ayaa Ciidanka kula dardaarmay in ay ilaaliyaan sharafta iyo hantida muwaaddiniinta Soomaaliyeed ee ay u adeegayaan.

Taliye Xijaar, ayaa sidoo kale Ciidanka faray in ay gutaan waajibka ka saaran ilaalinta ammaanka Ummadda Soomaaliyeed ee Caasimada Dalka ku nool, iyaga oo dhowraya Sharciga iyo xeerka anshaxa Ciidanka Booliiska Soomaaliyeed.

LEAVE A REPLY

Please enter your comment!
Please enter your name here