Taliska Boliiska oo Wada qorshe lagu Horumarinayo Ciidankaas

0
826

Taliska Ciidanka Boliiska ayaa sheegay in si loo horumariyo Ciidankaas uu Billaabay in  Ardayda ka Baxday Jaamacadaha iyo Dugsiyada sare uu fursad u siiyo inay ka mid noqdaan Saraakiisha Boliiska.

Taliyaha Ciidanka Boliiska Soomaaliyeed Janaral Maxamed Sheekh Xasan Xaamud ayaa tilmamay in  loo baahan yahay in la helo saraakiishii badali lahayd kuwa hadda ka shaqeeya  Taliska Boliiska.

“Waxaan ku baaqay in ardayda ka baxday dugsiyada sare  iyo jaamacadaha  in ay ka mid noqdaan Boliiska, waxaa is diiwaan galiyay 400 oo arday  oo dugsi sare ah, Imtixaankii dadkaas waxaa ka qaaday AMISOM, waxaa ku baasay boqol iyo wax la jiro UGandha ayaana tababar loogu qaaday” Ayuu yiri Taliye Xaamuud.

Dhanka kale Taliyaha Ciidanka Boliiska ayaa sheegay in markale Talisku uu qaatay Arday ka baxay Jaamacadaha dalka Gudihiisa iyo dibaddiisa kuwaas oo Aqoontooda ay ka faa’iidaysan doonan Umadda Soomaaliyeed ee jecel Shaqada Ciidanka Boliiska.

“Waxaan kaloo dib ka qaadanay jaamiciyiin ka yimid dibadda iyo gudaha dalka, waxaan rabnaa inaan dadkaas u adeegsanno Aqoontooda,  Boliiska Soomaliyeed waxaan rabna  inuu noqdo Culays si Bulshada ay ugu shaqeeyaan”.

Did you like this? Share it:

LEAVE A REPLY

Please enter your comment!
Please enter your name here