Taliska Boliiska oo Gacanta Ku Dhigey Xubno Ka Tirsan Alshabaab

Afhayeenka Ciidanka Booliiska, Dhamme Sadiiq Aadan Cali ayaa sheegay in howlgal ciidanku ka sameeyeen degmada Dharkenley lagu soo qabtay nin ka tirsan Alshabaab, kaas oo hadda ku jira gacanta dambi baarista Booliiska ee CID.

Eedeysanaha ayaa magaciisa lagu sheegay Xasan C/laahi Salaad, kaas oo sida afhayeenku xusay laga soo qabtay 15 bishan xaafadda Dabakaayo- Madow ee degmadaas, waxaana ninkan oo ka tirsanaa kooxda Amniyaatka ee argagaxisada Alshabaab isaga iyo kuwo kale oo lala soo qabtay Studio lagu kireeyo Cajaladaha Filmada iyo Heesaha Jaaska lagu ciyaaro ku lahaayeen xaafadaas.

Waxaa ay u muuqataa in u jeeddada Studiyahan ay u furteen ay aheyd sidii aan looga shakin laheyn falalkan guracan oo ay ku lug leeyihiin, maadaama dadka intiisa badan Argagaxisada ka aaminsan yihiin wax ka duwan kireynta Heesaha Jaaska, laakiin waxaad ogaataa in Alshabaab ku jiraan dambi ka weyn midka kaas ka weyn oo ah baneysiga dhiiga dadka Soomaaliyeed ee Muslimiinta ah.

Afhayeenka Ciidanka Booliiska ayaa sidoo kale, waxaa uu ka warbixiyay howlgalada amniga lagu sugayo oo ciidanku ka wadaan caasimadda.

 

LEAVE A REPLY

Please enter your comment!
Please enter your name here