Taliska ciidanka Asluubta oo qalab xafiiseed ku wareejiyay Wasaaradda Warfaafinta “SAWIRRO”

0
2438

Taliska ciidanka Asluubta Soomaaliyeed ayaa maanta qalab xafiiseed ay soo saareen Maxaabiista ku xiran Xabsiga Dhexe ku wareejiyey wasaaradda Warfaafinta, Dhaqanka iyo Dalxiiska Soomaaliya.

Halkaan waa Warshadaha soo saara Qalabka Xafiisyada, Guryaha, warshadda Alimuniam-ka, Qeybta Farshaxanka iyo warsahadda soo saarta Dharka ciidanka Asluubta oo uu sito taliyaha guud ee ciidanka, kuwa Maxabiistuna halkaan  lagu soo saaraa, warshadaha ayaa   ku yaalla xarunta Taliska guud ee ciidanka Alsuubta, waxaana farsama-yaqaano ka ah Maxabiista ku xiran Xabsiga Dhexe ee Xamar.

Cabdulle Xuseen Faarax waxa uu ka mid yahay Maxabiista  Xirfadaha kala duwan ku bartay Xabsiga Dhexe ayaa carrabka ayuu ku dhuftey in uu ka faa’iidey Xabsiga Xirfad uu ku shaqeysan karo, haddii uu dhammeysto mudada lagu xukumay.

Taliyaha ciidanka Asluubta S/guud Bashiir Maxamed Jaamac oo ay xarunta taliska ku soo booqdeen sii hayaha xilka wasiirka Warfaafinta, ahna wasiir ku xigeenka wasaaradda, agaasimeyaasha SNTV iyo RM ayeey wada qaataan kulan ay uga hadlayeen sidii loo xoojin lahaa wada shaqeynta labada dhinac ka dhaxaysa.

Taliyaha ciidanka Asluubta Soomaliyeed S/Guud Bashiir Maxamed Jaamac ayaa yiri “ in Qalab xafiiskeedkaan ay wareejiyaan u jeedada ka dambeysa  ay tahay howlaha adag ee ay wasaaradda Warfaafintu u heyso Qaranka,  ayna sii wadi doonaan tan oo kale”.

Sii hayaha wasiirka Warfaafinta ahna wasiir ku xigeenka Warfaafinta Soomaaliya Mudane C/raxmaan Iidaan Yoonis, ayaa uga mahadceliyey taliyaha ciidanka Asluubta Soomaaliyeed sida ay u soo hindiseen Qalabka loogu talogalay shaqooyinka Wasaaradda gaar ahaan Warbaahinta dowladda.

Maxabiista ku xiran Xabsiga dhexe ee Xamar si ay u noqdaan dad wax soo saar leh taliska ayaa hirgeliyey adeegyada aas-aasiga u ah sida Biyo Nadiif ah, Waxbarasho dhowr qeybood ah oo ay farsamada gacanta ka mid tahay, iyadoo taliyuhu uu ballan ku qaadey in Gunnooyin la siin doono Maxabiista Farsamada gacanta ka shaqeysa.

 

Did you like this? Share it:

LEAVE A REPLY

Please enter your comment!
Please enter your name here